விக்டோரியாவில் புகையிலை கடைகள் மீதான தாக்குதல்கள் தொடர்ந்து அதிகரித்து வரும் போதிலும், புகையிலை விற்பனைக்கு உரிமம் வழங்கும் திட்டத்தை அறிமுகப்படுத்த நடவடிக்கை எடுக்காதது கவலையளிக்கிறது.
புகையிலை கடைகளுக்கு உரிமம் வழங்கும் முறையை எப்போது அறிமுகப்படுத்தும் என்பதை விக்டோரியா மாநில அரசால் குறிப்பிட முடியவில்லை என்று கூறப்படுகிறது.
இதற்கு முறையான நடவடிக்கை எடுக்க வேண்டும் என பல தரப்பினரும் கோரி வரும் நிலையில் கடந்த 4 நாட்களில் புகையிலை வியாபாரிகள் மீது 3 முறை தாக்குதல் நடத்தப்பட்டுள்ளது.
கடந்த ஆண்டு மார்ச் மாதம் முதல் புகையிலை கடைகளை குறிவைத்து மொத்தம் 74 தாக்குதல்கள் நடத்தப்பட்டுள்ளன.
விக்டோரியா மாநிலத்தில் புகையிலை விற்பனைக்கு மது விற்பனை போல் உரிமம் தேவையில்லை என்பதால் மக்கள் தாங்கள் விரும்பும் வகையில் கடைகளை திறப்பதே இந்த மோதலுக்கு காரணம் என்று கூறப்படுகிறது.
புகையிலை பொருட்களை விற்பனை செய்வதற்கு உரிமம் வழங்கும் முறை இல்லாத ஒரே மாநிலம் விக்டோரியா என்றும், வாராவாரம் புகையிலை கடைகள் தீப்பிடித்து எரியும் ஒரே மாநிலம் என்றும் கவுன்சிலர் டிம் மெக்கர்டி தெரிவித்தார்.
