விக்டோரியாவின் Berwick நகரில் உள்ள Woolworths பல்பொருள் அங்காடிக்கு வெளியே கத்திக்குத்துத் தாக்குதலில் இருவர் காயமடைந்துள்ளனர்.
இந்த சம்பவத்தின் பின்னர் ஒருவர் பொலிஸாரால் கைது செய்யப்பட்டுள்ளதாக தெரிவிக்கப்படுகின்றது.
நேற்று மதியம் 12.30 மணியளவில் Lyall Rd இல் உள்ள பல்பொருள் அங்காடிக்கு அருகில் இந்த தாக்குதல் நடத்தப்பட்டதாக கூறப்படுகிறது.
தாக்குதலுக்கு முன்னர் ஆயுதம் ஏந்திய நபர் வன்முறையில் ஈடுபட்டதாக சம்பவத்தை நேரில் பார்த்த மக்கள் தெரிவித்துள்ளனர்.
கத்தியால் பலத்த காயமடைந்த 20 வயது இளைஞரும் மற்றுமொருவரும் அல்பிரட் மருத்துவமனைக்கு கொண்டு செல்லப்பட்டுள்ளனர்.
தாக்குதல் நடத்தியதாகக் கூறப்படும் நபரை, பொலிசார் வரும் வரை அருகில் இருந்தவர்கள் தடுத்து நிறுத்தி பின்னர் பொலிஸாரிடம் ஒப்படைத்தனர்.
சந்தேகநபரோ அல்லது காயமடைந்தவர்களோ ஒருவரையொருவர் அறிந்திருக்கவில்லை என்பதுடன், சம்பவம் தொடர்பில் பொலிஸார் மேலதிக விசாரணைகளை மேற்கொண்டு வருகின்றனர்.
