2023 ஆம் ஆண்டு ஏப்ரல் 9 ஆம் திகதி இடம்பெற்ற வாகன விபத்தில் இரு இளைஞர்கள் உயிரிழந்த சம்பவம் தொடர்பில் காரை ஓட்டிச் சென்ற இளைஞருக்கு 5 வருட சிறைத்தண்டனை விதிக்கப்பட்டுள்ளது.
ஈஸ்டர் ஞாயிறு அன்று இடம்பெற்ற இந்த துரதிஷ்டவசமான விபத்தில் சந்தேகத்திற்குரிய சாரதியின் சகோதரனும் மற்றுமொரு உறவினரும் உயிரிழந்துள்ளதாக தெரிவிக்கப்படுகின்றது.
ஈஸ்டர் ஞாயிறு அன்று ஆராதனைகளில் கலந்து கொண்ட சகோதரர்கள் இருவரையும் அழைத்து வருவதற்காக சந்தேகநபர் இரண்டு தடவைகள் தேவாலயத்திற்குச் சென்றிருந்ததாகவும், அவர் தனது புதிய காரின் உயர் செயல்திறனை வெளிப்படுத்தும் நோக்கில் சென்றதாகவும் குறிப்பிடப்பட்டுள்ளது.
மணிக்கு 246 கி.மீ வேகத்தில் சென்ற கார் கட்டுப்பாட்டை இழந்து சாலையை விட்டு விலகி இரண்டு மரங்களில் மோதியது.
அவரது 26 வயது உறவினர் சம்பவ இடத்திலேயே உயிரிழந்ததாகவும், மருத்துவமனையில் அனுமதிக்கப்பட்ட 6 நாட்களில் அவரது 16 வயது சகோதரர் உயிரிழந்ததாகவும் கூறப்படுகிறது.
