சட்டவிரோதமாக ஆயிரக்கணக்கான வரிக் கணக்குகளைத் தயாரித்ததாகக் கூறி சிட்னி குடியிருப்பாளர் ஒருவருக்கு $1.8 மில்லியன் அபராதம் விதிக்கப்பட்டுள்ளது.
நான்கு ஆண்டுகளில் ஆயிரக்கணக்கான வரிக் கணக்குகளை சட்டவிரோதமாக தயாரித்ததற்காக ஆஸ்திரேலியாவின் பெடரல் கோர்ட் இந்த தண்டனையை விதித்துள்ளது.
இதுவரை விதிக்கப்பட்ட மிகப்பெரிய சிவில் தண்டனை இது என்றும் அறிக்கைகள் கூறுகின்றன.
பதிவு செய்யப்பட்ட வரி முகவர் அல்லாத இந்த நபர், 3,300 வருமான வரிக் கணக்குகளைத் தயாரித்ததாக ஒப்புக்கொண்டதால், அவருக்கு 1.8 மில்லியன் டாலர் அபராதம் விதிக்கப்பட்டுள்ளது.
சந்தேக நபரை வரி வல்லுநர்கள் வாரியத்தின் (TPB) செலவுகளைச் சந்திக்கவும் நீதிமன்றம் உத்தரவிட்டுள்ளதுடன், எந்தவொரு கட்டணத்திற்கும் வெகுமதிக்கும் வரி முகவர் சேவைகளை வழங்குவதற்கு நிரந்தரமாகத் தடை விதிக்கப்பட்டுள்ளது.
இந்த உத்தரவை மீறினால், நீதிமன்ற அவமதிப்புக்காக சிறை தண்டனை அல்லது பிற தண்டனைகளை சந்திக்க நேரிடும் என்றும் எச்சரிக்கப்பட்டுள்ளது.
