விக்டோரியாவில் உள்ள Gellibrand இல் கார் மீது மரம் விழுந்ததில் ஆண் ஒருவர் உயிரிழந்துள்ளதுடன் மேலும் ஒரு பெண் காயமடைந்துள்ளார்.
அவர்கள் பயணித்த கார் மீது மரம் விழுந்து விபத்துக்குள்ளானதாகவும், ஒரு மணி நேரத்திற்கும் மேலாக காரில் சிக்கியிருந்த தம்பதியர் இடிபாடுகளில் இருந்து மீட்கப்பட்டதாகவும் கூறப்படுகிறது.
மெல்பேர்னில் இருந்து சுமார் 175 கிலோமீற்றர் தொலைவில் உள்ள ஜெல்லிபிரான்ட் பகுதியில் இன்று பலத்த காற்றுடன் இந்த விபத்து ஏற்பட்டுள்ளது.
இன்று பிற்பகல் 1.30 மணியளவில் பெர்ரிஸ் வீதிக்கு அருகில் பிரதான வீதியில் மரம் விழுந்ததில் அவர்கள் இருவரும் ஒரு மணி நேரத்திற்கும் மேலாக காருக்குள் சிக்கிக் கொண்டதாகவும், சாரதி சம்பவ இடத்திலேயே உயிரிழந்ததாகவும் தெரிவிக்கப்படுகிறது.
இருவரின் அடையாளம் இதுவரை அடையாளம் காணப்படவில்லை எனவும், இது தொடர்பான விசாரணைகள் நடைபெற்று வருவதாகவும் விக்டோரியா பொலிஸார் தெரிவித்தனர்.
விக்டோரியா மாநிலத்தின் பல பகுதிகளை தாக்கிய பலத்த காற்றினால் மரங்கள் விழுந்து பல கட்டிடங்கள் சேதமடைந்துள்ளதுடன் கிட்டத்தட்ட 6000 வீடுகள் மற்றும் வணிக நிறுவனங்களுக்கு மின்சாரம் துண்டிக்கப்பட்டுள்ளது.
அடுத்த சில மணித்தியாலங்களில் பலத்த காற்றினால் மாநிலத்தின் ஏனைய பகுதிகள் பாதிக்கப்படலாம் என வளிமண்டலவியல் திணைக்களம் இன்று காலை அறிவித்திருந்தது.
மேலும் இன்று இரவு விக்டோரியா கடற்பகுதிகளில் காற்றின் வேகம் மணிக்கு 110 கிலோ மீற்றர் வரை அதிகரிக்க கூடும் எனவும் எச்சரிக்கை விடுக்கப்பட்டுள்ளது.
அதே சாலையில் விழுந்த மரங்கள் மற்றும் குப்பைகள் குறித்து வாகன ஓட்டிகள் எச்சரிக்கையாக இருக்க வேண்டும்.
