ஆஸ்திரேலியாவில் உள்ள ஒரு முன்னணி ஆட்சேர்ப்பு நிறுவனம், தேசிய மற்றும் உலகளாவிய பணியாளர்களை நாட்டிற்கு கொண்டு வரக்கூடிய புதிய வேலைவாய்ப்புப் போக்கை கணித்துள்ளது.
‘Chrono-working’ என்று அழைக்கப்படும் இந்த முறை, ஆஸ்திரேலிய பணியாளர்களில் புரட்சியை ஏற்படுத்தும் புதிய வேலைவாய்ப்புப் போக்கு எனக் கூறப்படுகிறது.
“Chrono-working” என்பது UK இல் ஒரு புதிய கருத்தாகும், இது ஊழியர்கள் தங்கள் இயற்கையான தூக்க முறைகளின் அடிப்படையில் தங்கள் வேலை நேரத்தை தேர்வு செய்ய அனுமதிக்கும்.
இந்த முறை ஐக்கிய இராச்சியத்தில் உள்ள பத்திரிகையாளர் எலன் சி. ஸ்காட் என்பவரால் உருவாக்கப்பட்டது, மேலும் இது தற்போது பல பிரிட்டிஷ் நிறுவனங்களால் முயற்சி செய்யப்படுவதாக கூறப்படுகிறது.
வேலையில் இந்த நிவாரணம் குறித்த கூகுள் தேடல்கள் ஆண்டுக்கு ஆண்டு 600 சதவீதம் அதிகரித்து வருவதாகவும் குறிப்பிடப்பட்டுள்ளது.
Robert Walters Australia-வின் தலைமை நிர்வாக அதிகாரி Shay Peters, இந்த புதிய யோசனை உலகளாவிய தொழிலாளர்களை முழுமையாக மறுவடிவமைத்து எல்லையற்ற பொருளாதாரத்தை உருவாக்க முடியும் என்றார்.
முன்னெப்போதும் இல்லாத வகையில் உலகளாவிய பணியாளர்களுக்கு இது வாய்ப்புகளைத் திறக்கிறது என்று Shay Peters சுட்டிக்காட்டுகிறார்.
அண்மையில் Robert Walters மேற்கொண்ட ஆய்வில், இலங்கையில் பணியாற்றும் 42 வீதமான தொழில் வல்லுநர்கள், இத்தகைய அட்டவணையின் கீழ் பணியாற்றுவதன் மூலம் தமது மனநலம் மேம்படும் என நம்புவதாகத் தெரிவித்துள்ளனர்.
கூடுதலாக, 39 சதவீதம் பேர் தங்கள் வேலை நேரத்தைத் தேர்ந்தெடுக்கும் சுதந்திரம் உற்பத்தித்திறனையும் வேலையில் கவனம் செலுத்துவதையும் அதிகரிக்கிறது என்று கூறியுள்ளனர்.
