நியூ சவுத் வேல்ஸ் மாநிலத்தில் கக்குவான் இருமலால் பாதிக்கப்பட்டவர்களின் எண்ணிக்கை தொடர்ந்து அதிகரித்து வருவதால், தடுப்பூசியை துரிதப்படுத்த அறிவிப்பு வெளியிடப்பட்டுள்ளது.
இந்த ஆண்டு ஜனவரி மற்றும் செப்டம்பர் மாதங்களுக்கு இடையில் 12,000 க்கும் மேற்பட்ட நோயாளிகளின் நோய்த்தொற்றுகள் பற்றிய அறிவிப்புகளை மாநில சுகாதார அதிகாரிகள் தெரிவித்தனர்.
மேலும் இது 2016ஆம் ஆண்டுக்குப் பிறகு பதிவான அதிகபட்ச அளவாகக் கருதப்படுகிறது.
இந்த நோய் சளி மற்றும் அவ்வப்போது ஏற்படும் இருமலுடன் தொடங்குவதாகவும், அதைத் தொடர்ந்து இருமல் படிப்படியாக மோசமடைவதாகவும் கூறப்படுகிறது.
இரவில் உருவாகும் இருமல் பல வாரங்களுக்கு தொடரலாம் என்றும் அதைத் தொடர்ந்து வாந்தி மற்றும் மூச்சுத் திணறல் ஏற்பட வாய்ப்புகள் அதிகம் உள்ளதாகவும் தெரிவிக்கப்படுகிறது.
புதிதாகப் பிறந்த குழந்தைகளின் நிலை மோசமாக இருப்பதாகவும், சுவாசக் கோளாறு காரணமாக உடல் நீல நிறமாக மாறுவதாகவும் சுகாதாரத் துறை தெரிவிக்கிறது.
மற்ற குழந்தைகளுக்கு, உணவளிப்பதில் சிரமம் மற்றும் சுவாச பிரச்சனைகள் என்பன உள்ளன.
எனவே, கர்ப்பிணிப் பெண்கள், பெற்றோர்கள், முதியவர்கள் மற்றும் குழந்தைகளுடன் நெருக்கமாகப் பணிபுரியும் அனைவரும் இந்த கொடிய நோய்களில் இருந்து தங்கள் குழந்தைகளை பாதுகாக்க தடுப்பூசி போட அறிவுறுத்தப்படுகிறார்கள்.
