மெல்பேர்ணின் டொன்வலே பகுதியில் அமைந்துள்ள விசேட பாடசாலை ஒன்று சில குழுவினரால் தீக்கிரையாக்கப்பட்டுள்ளது.
நேற்றிரவு 9.30 மணிக்குப் பின்னர் சில குழுவினர் பாடசாலையின் தோட்டக்கலைப் பிரிவிற்கு தீ வைத்து அங்கிருந்த பொருட்கள் அனைத்தையும் அழித்துள்ளதாக தெரிவிக்கப்படுகின்றது.
ஓராண்டிற்குள் இந்த பள்ளி சேதப்படுத்தப்படுவது இது இரண்டாவது முறையாகும் என்று கூறப்படுகிறது.
சம்பவம் தொடர்பில் வோடோங்கா பகுதியைச் சேர்ந்த 19 மற்றும் 20 வயதுடைய இரண்டு இளைஞர்கள் சம்பவ இடத்திலேயே கைது செய்யப்பட்டு பின்னர் விடுவிக்கப்பட்டனர்.
கடந்த ஆண்டு ஆகஸ்ட் மாதம் இப்பள்ளியில் தீ விபத்து ஏற்பட்டு தியேட்டர், ஸ்டூடியோ உள்ளிட்ட பல வகுப்பறைகள் எரிந்து நாசமானது.
இச்சம்பவத்தால் பள்ளி குழந்தைகள், பெற்றோர்கள் மற்றும் ஆசிரியர்கள் வருத்தம் அடைந்துள்ளனர், பாதிக்கப்பட்ட எந்த மாணவருக்கும் ஆதரவு வழங்கப்படும் என்று முதல்வர் பால் ஹில்ஸ் கூறினார்.
