Woolworths மற்றும் Coles பலதரப்பட்ட பொருட்களுக்கு தள்ளுபடிகளை வழங்குவதன் மூலம் நுகர்வோரை தவறாக வழிநடத்துவதாக ஆஸ்திரேலிய நுகர்வோர் ஆணையம் உறுதிப்படுத்தியுள்ளது.
இதன்படி, குறிப்பிட்ட சில பொருட்களின் விலைகள் குறைந்தது ஆறு மாதங்கள் முதல் ஒரு வருடம் வரை நிலையாக இருப்பதும், பின்னர் பல்பொருள் அங்காடிகள் அந்த பொருட்களின் விலைகளை குறைந்தது 15 சதவீதத்தால் உயர்த்தியதும் உறுதி செய்யப்பட்டுள்ளது.
விலை உயர்த்தப்பட்டு பின்னர் தள்ளுபடி செய்யப்பட்டு மீண்டும் அதே விலையில் விற்பனை செய்து லாபம் ஈட்டுவதாக தகவல் வெளியாகியுள்ளது.
Woolworths பல்பொருள் அங்காடியில் “Prises Droped” என்ற இடத்திலும், Colse இல் உள்ள “Down Down” என்ற பகுதியிலும் பொருட்கள் பதுக்கி வைக்கப்பட்டுள்ளது தெரியவந்துள்ளது.
இது தொடர்பில் ஊடகங்களுக்கு கருத்து தெரிவித்த நுகர்வோர் அதிகாரசபையின் தலைவர், பல்பொருள் அங்காடிகள் தள்ளுபடி என்ற போர்வையில் பல பொருட்களை விற்பனை செய்து மில்லியன் கணக்கான டொலர்களை வருமானமாக ஈட்டியுள்ளன.
சமூக ஊடகங்கள் ஊடாக நுகர்வோர் மேற்கொண்ட பிரச்சாரம் காரணமாக நுகர்வோர் அதிகாரசபை விசாரணைகளை ஆரம்பித்திருந்தது.
அதன்படி, செப்டம்பர் 2021 முதல் மே 2023 வரையிலான 20 மாதங்களில் வெவ்வேறு நேரங்களில் 266 Woolworths தயாரிப்புகள் மீது நுகர்வோர் ஆணையம் விசாரணையைத் தொடங்கியது, Woolworths மற்றும் Coles ஆஸ்திரேலிய நுகர்வோர் சட்டங்களை மீறியது தெரியவந்துள்ளது.
