விக்டோரியா மாகாணத்தில் உள்ள டப்புட் என்ற இடத்தில், வாகனம் விபத்துக்குள்ளானதில் சிறு குழந்தை உட்பட இருவர் உயிரிழந்துள்ளனர்.
விபத்தின் போது வாகனத்தில் இரண்டு பெரியவர்களும் இரண்டு குழந்தைகளும் பயணித்ததாக கூறப்படுகிறது.
நேற்றிரவு 11 மணிக்கு முன்னர் கார் கவிழ்ந்து விபத்துக்குள்ளானதாக அவசர சேவை அதிகாரிகளுக்கு அறிவிக்கப்பட்டு, அவர்கள் வந்து சோதனையிட்டபோது, வயதான சாரதியும் ஒரு சிறு குழந்தையும் சம்பவ இடத்திலேயே உயிரிழந்துள்ளனர்.
இருவரும் இதுவரை அடையாளம் காணப்படவில்லை என விக்டோரியா பொலிஸார் தெரிவித்தனர்.
மற்றொரு குழந்தை உயிருக்கு ஆபத்தான காயங்களுடன் மருத்துவமனைக்கு கொண்டு செல்லப்பட்டது, மற்ற பெரியவர் சிறிய காயங்களுக்கு சம்பவ இடத்திலேயே சிகிச்சை பெற்றார்.
விபத்து தொடர்பான மேலதிக தகவல்கள் வெளியாகவில்லை எனவும் விசாரணைகள் இடம்பெற்று வருவதாகவும் விக்டோரியா பொலிஸார் தெரிவித்தனர்.
