சிட்னியின் விலே பார்க் பகுதியில் சர்வதேச மாணவர் ஒருவர் கார் விபத்தில் உயிரிழந்துள்ளார்.
நேற்றிரவு இவர் தனது நண்பர் ஓட்டிச் சென்ற காருடன் மோதியதில் இந்த விபத்து இடம்பெற்றுள்ளதாக தெரிவிக்கப்படுகின்றது.
இஸ்மாயில் ஹொசைன் என்ற மாணவனை அவரது நண்பர் தனது காரில் வீட்டிற்கு அழைத்துச் சென்று விட்டுச் செல்லவிருந்த போதே இந்த விபத்து இடம்பெற்றுள்ளது.
உயிரிழந்த மாணவன் காரை வீட்டுக்குத் திருப்புவதற்காகத் திரும்பிச் செல்ல முற்பட்ட போது, கார் முன்னோக்கிச் சென்று விபத்து ஏற்பட்டதாகக் கூறப்படுகிறது.
விபத்தில் சிக்கிய 24 வயதுடைய பங்களாதேஷ் மாணவர் சம்பவ இடத்திலேயே உயிரிழந்துள்ளதுடன் காரை ஓட்டிச் சென்ற மாணவனை பொலிஸார் கைது செய்துள்ளனர்.
பரிசோதனைக்காக மருத்துவமனைக்கு அழைத்துச் செல்லப்பட்ட அவர், கவனக்குறைவாக வாகனம் ஓட்டி மரணத்தை ஏற்படுத்தியதாக குற்றம் சாட்டப்பட்டதாக கூறப்படுகிறது.
சந்தேகநபருக்கு பிணை மறுக்கப்பட்டுள்ளதுடன், அவர் நீதிமன்றத்தில் ஆஜர்படுத்தப்படவுள்ளார்.
பங்களாதேஷிலிருந்து இந்நாட்டில் கல்வி கற்கும் இஸ்மாயில் ஹொசைன் மேலும் நான்கு மாணவர்களுடன் விபத்து இடம்பெற்ற வீட்டில் வசித்து வந்ததாக பொலிஸார் தெரிவித்தனர்.
