சமீபத்தில், சீனாவின் Hangzhou-வில் அமைந்துள்ள உலகின் மிகப்பெரிய குடியிருப்பு கட்டிடத்தின் வீடியோ சமூக ஊடகங்களில் வெளியாகி வைரலானது. ‘Regent International’ என்று அழைக்கப்படும் இந்த பிரம்மாண்ட அடுக்குமாடி கட்டிடம், 206 மீட்டர் மற்றும் 36 முதல் 39 மாடிகளை கொண்டுள்ளது. ஹாங்சோவின் மத்திய வணிகப் பகுதியான Qianjiang Century City-யில் இந்தக் கட்டிடம் அமைந்துள்ளது.
இது முதன்முதலில் ஆறு நட்சத்திர சொகுசு ஹோட்டலாக வடிவமைக்கப்பட்டது. ஆனால், பின்னர் ஒரு பெரிய குடியிருப்பு வளாகமாக மாற்றப்பட்டது. இதில் சுவாரஸ்யம் என்னவென்றால், தற்போது இந்த குடியிருப்புகளில் 20,000க்கும் அதிகமான மக்கள் வசிக்கின்றனர். மேலும், உலகின் மிகப்பெரிய குடியிருப்பு கட்டிடம் ஒரு சுய-கட்டுமான சமூகம் என்று கூறப்படுகிறது.
இந்த கட்டிடத்தில் Food court, நீச்சல் குளங்கள், கடைகள், சலூன் மற்றும் cafe உள்ளிட்ட பல வசதிகள் உள்ளன. குடியிருப்பாளர்களுக்கு தேவையான அனைத்தும் அந்த கட்டிடத்திலேயே கிடைப்பதால், அவர்கள் அரிதாகவே வெளியே செல்ல வேண்டி உள்ளது.
இதற்கிடையில், இந்த பிரம்மாண்ட குடியிருப்பு கட்டிடத்தின் வீடியோ X வலைதளத்தில் 150,000 பார்வைகளை கடந்துள்ளது. இந்த பிரம்மாண்ட குடியிருப்பு கட்டிடம் பார்வையாளர்களை ஆச்சரியத்தில் ஆழ்த்தியுள்ளது.
