ஆஸ்திரேலியாவின் மிகப்பெரிய காற்றாலையின் முதல் கட்டம் தொடங்கப்பட்டுள்ளது.
தென் அரைக்கோளத்தில் மிகப்பெரிய காற்றாலையாக கருதப்படும் கோல்டன் ப்ளைன்ஸ் காற்றாலை (Golden Plains Wind Farm) முதல் கட்டம் விக்டோரியா மாநிலத்தின் தென்மேற்கு பகுதியில் அதிகாரப்பூர்வமாக தொடங்கப்பட்டுள்ளதாக தெரிவிக்கப்பட்டுள்ளது.
எரிசக்தி அமைச்சர் Lily D’Ambrosio காற்றாலை முழுமையாக செயல்பட்டவுடன் 760,000 வீடுகளுக்கு மின்சாரம் வழங்கும் என்று அறிவித்தார்.
Rokewoodல் உள்ள Golden Plains Wind Farm மூன்று ஆண்டுகளுக்குள் கட்டி முடிக்கப்படும்.
முழுமையாக கட்டப்பட்டவுடன், 1.3 ஜிகாவாட் காற்றாலை ஆண்டுதோறும் 4,000 ஜிகாவாட் மணிநேரத்திற்கு மேல் உற்பத்தி செய்யும், இது விக்டோரியாவின் தற்போதைய ஆற்றல் தேவையில் ஒன்பது சதவீதத்தை பூர்த்தி செய்யும் என்று கூறப்படுகிறது.
இந்த காற்றாலை விக்டோரியாவில் உள்ள ஒவ்வொரு வீட்டிற்கும் மின்சாரம் வழங்குவதுடன், விக்டோரியா குடும்பங்களுக்கான கட்டண நிவாரணத்தையும் வழங்க முடியும் என்று எரிசக்தி அமைச்சர் கூறினார்.
ஜீலாங் அருகே அமைந்துள்ள இந்த காற்றாலைத் திட்டம் கட்டுமானத்தின் போது சுமார் 700 தற்காலிக வேலைகளையும் சுமார் 70 முழுநேர வேலைகளையும் உருவாக்கும் என்று எதிர்பார்க்கப்படுகிறது.
