சீனாவால் நடைமுறைப்படுத்தப்பட்ட ஒருதலைப்பட்சமான 15 நாள் இலவச விசாக் கொள்கையில் உள்ள நாடுகளில் ஆஸ்திரேலியாவும் சேர்க்கப்பட்டுள்ளது.
கடந்த வருடம் டிசம்பர் மாதம் முதலாம் திகதி முதல் நடைமுறைப்படுத்தப்பட்ட இந்த முறைமையில் பல புதிய நாடுகள் உள்வாங்கப்பட்டுள்ளதாக குறிப்பிடப்படுகின்றது.
நவம்பர் 8, 2024 முதல் டிசம்பர் 31, 2024 வரை, இந்த அமைப்பின் மூலம், ஆஸ்திரேலியர்கள் தங்கள் பாஸ்போர்ட் மூலம் விசா இல்லாமல் சீனாவுக்குச் செல்லலாம் மற்றும் 15 நாட்களுக்கு சீனாவில் தங்குவதற்கான வாய்ப்பைப் பெறலாம்.
கொவிட் 19 தொற்று நிலைமை காரணமாக வீழ்ச்சியடைந்துள்ள சுற்றுலாத் துறையை மீளக் கட்டியெழுப்புவதும், நாடுகளுக்கிடையிலான பொருளாதார மற்றும் கலாச்சார உறவுகளை வலுப்படுத்துவதும் இதன் நோக்கமாகும் என மேலும் தெரிவிக்கப்பட்டுள்ளது.
அன்டோரா, பெல்ஜியம், டென்மார்க், பின்லாந்து, ஐஸ்லாந்து, லிச்சென்ஸ்டீன், மொனாக்கோ, நார்வே, ஸ்லோவாக்கியா மற்றும் தென் கொரியா ஆகியவை இந்தப் பட்டியலில் சேர்க்கப்பட்ட புதிய நாடுகளாகும்.
இந்த வேலைத்திட்டத்தின் மூலம் சீனா மீதான வெளிநாட்டு சுற்றுலா பயணிகளின் ஈர்ப்பை மீளப் பெறுவதுடன், இராஜதந்திர மற்றும் வர்த்தக உறவுகளும் மீண்டும் வலுவடையும் என மேலும் தெரிவிக்கப்பட்டுள்ளது.
