விக்டோரியாவில் போக்குவரத்துத் துறையில் மேம்பாட்டுப் பணிகளுக்காக ஆளும் தொழிற்கட்சி அரசாங்கம் 7 பில்லியன் டாலர்களை ஒதுக்க முடிவு செய்துள்ளது.
மெல்போர்ன் விமான நிலைய இணைப்பு ரயில் திட்டத்திற்கு அதிக முன்னுரிமை அளிக்கப்படுகிறது.
ஆஸ்திரேலிய பிரதமர் அந்தோணி அல்பானீஸ், சன்ஷைனில் ஒரு புதிய ரயில் நிலையத்தை நிர்மாணிப்பதற்காக 2 பில்லியன் டாலர்கள் ஒதுக்கப்படும் என்று அறிவித்துள்ளார்.
இன்று காலை மெல்போர்னில் நடைபெற்ற நிகழ்ச்சி ஒன்றில் பிரதமர் இதனைத் தெரிவித்தார்.
சன்ஷைனில் கட்டப்படும் ஒரு புதிய ரயில் நிலையம் விரைவில் ஜீலாங், பெண்டிகோ மற்றும் பல்லாரத்திலிருந்து வி/லைன் சேவைகளைப் பயன்படுத்தும் பயணிகளுக்கு விமான நிலையத்திற்கு வசதியான அணுகலை வழங்கும்.
கூடுதலாக, மெல்டன் ரயில் பாதையின் மின்மயமாக்கல் மற்றும் மிட்செல் ஷைர், கிரான்போர்ன் வெஸ்ட் மற்றும் கரம் ஆகிய புறநகர்ப் பகுதிகளில் சாலை மேம்பாட்டிற்காக 1.2 பில்லியன் டாலர்கள் ஒதுக்கப்படும் என்று பிரதமர் அந்தோணி அல்பானீஸ் அறிவித்துள்ளார்.
மெல்பேர்ண் விமான நிலையத்தில் ஒரு நிலத்தடி ரயில் நிலையத்திற்கான தேவை சிறிது காலமாகவே எழுந்து வந்ததாகவும் தெரிவிக்கப்படுகிறது.
இருப்பினும், இந்த திட்டங்கள் அனைத்தும் 2030 ஆம் ஆண்டு வரை நிறைவடையாது என்று மாநில பிரதமர் ஜெசிந்தா ஆலன் கூறியுள்ளார்.
