குயின்ஸ்லாந்து மாநிலத்தின் முன்னாள் தொழிலாளர் அமைச்சர் Gordon Nuttall, புற்றுநோயுடன் போராடி தனது 71 வயதில் காலமானார்.
Beattie அரசாங்கத்தில் ஒரு மூத்த நபராக Nuttall இருந்தார். சுகாதாரம், தொழில்துறை உறவுகள் மற்றும் முதன்மை தொழில்கள் உள்ளிட்ட முக்கிய இலாகாக்களை வகித்தார்.
அவர் 1992 முதல் 2006 வரை Sandgate-இன் உறுப்பினராக பணியாற்றினார்.
ஆனால் குயின்ஸ்லாந்து வரலாற்றில் ஊழல் குற்றச்சாட்டில் சிறையில் அடைக்கப்பட்ட மிக உயர்ந்த அரசியல்வாதிகளில் ஒருவராக அவர் இருந்தார்.
2009 ஆம் ஆண்டில், அமைச்சராகப் பணியாற்றியபோது தொழிலதிபர்களிடமிருந்து $360,000 க்கும் அதிகமான ரகசியப் பணம் பெற்றதாக Nuttall குற்றவாளி எனக் கண்டறியப்பட்டது.
ஊழல் மற்றும் பொய் சாட்சியம் அளித்ததற்காக அவர் குற்றவாளி என நிரூபிக்கப்பட்டு 14 ஆண்டுகள் சிறைத்தண்டனை விதிக்கப்பட்டது.
அவர் கிட்டத்தட்ட ஒன்பது ஆண்டுகள் சிறையில் கழித்த பிறகு 2015 இல் பரோலில் விடுவிக்கப்பட்டார்.
ஊழல் குற்றச்சாட்டுகளுக்கு முன்பு, அறுவை சிகிச்சை நிபுணர் ஜெயந்த் படேலின் பராமரிப்பில் நோயாளிகள் பாதிக்கப்பட்ட புண்டாபெர்க் மருத்துவமனை ஊழலைக் கையாண்டதற்காக Nuttall சுகாதார அமைச்சர் பதவியை ராஜினாமா செய்ய வேண்டிய கட்டாயம் ஏற்பட்டது .
2023 ஆம் ஆண்டில் Nuttall மேம்பட்ட சிறுநீரக புற்றுநோயால் பாதிக்கப்பட்டு, விடுதலையானதிலிருந்து கடலோர நகரமான Woodgate-இல் அமைதியாக வசித்து வந்தார்.
