Harvard-ல் சர்வதேச மாணவர்கள் சேருவதை டிரம்ப் நிர்வாகம் தடை செய்ததால் பாதிக்கப்பட்ட ஆஸ்திரேலியர்களுக்கு உதவ அமெரிக்க அரசாங்கத்திடம் ஆலோசனை கேட்டு வருவதாக அமெரிக்காவிற்கான ஆஸ்திரேலிய தூதர் கெவின் ரூட் தெரிவித்துள்ளார்.
2025-26 கல்வியாண்டில் இருந்து நடைமுறைக்கு வரும் Harvard பல்கலைக்கழகத்தின் மாணவர் மற்றும் பரிமாற்ற பார்வையாளர் திட்ட சான்றிதழை ரத்து செய்ய டிரம்ப் நிர்வாகம் உத்தரவிட்டுள்ளது.
2024-25 கல்வியாண்டில் ஹார்வர்டில் சேர்ந்த 6,800 சர்வதேச மாணவர்கள், சில ஆஸ்திரேலியர்களும் இதில் அடங்குவர், மொத்த மாணவர் சேர்க்கையில் 27.2% பேர் உள்ளனர். மேலும் இந்த சர்ச்சைக்குரிய நடவடிக்கை சட்டவிரோதமானது என்று பள்ளி கருதுகிறது.
“ஹார்வர்டின் பல ஆஸ்திரேலிய மாணவர்களுக்கு இது மன உளைச்சலை ஏற்படுத்தும் என்று எனக்குத் தெரியும்,” என்று திரு. ரூட் X இல் ஒரு பதிவில் கூறினார்.
அவர் மேலும் கூறுகையில் “ஆஸ்திரேலிய மாணவர்கள் தகுந்த ஆலோசனைகளைப் பெறுவதற்காக இந்த முடிவின் விவரங்களைப் பெற அமெரிக்க அரசாங்கத்துடன் தூதரகம் இணைந்து செயல்படுகிறது. ஹார்வர்டு மற்றும் அமெரிக்கா முழுவதும் உள்ள பிற வளாகங்களில் ஆஸ்திரேலிய மாணவர்கள் மற்றும் அவர்களது குடும்பங்களுக்கு இந்த முடிவின் தாக்கம் குறித்து நிர்வாகத்தை இன்னும் பரந்த அளவில் ஈடுபடுத்தவும் நாங்கள் விரும்புகிறோம்” என்றார்.
