நேற்று Barangaroo நிலையத்தில் ரயிலில் ஏற்பட்ட மின் தடையைத் தொடர்ந்து, நேற்று மாலையுடன் சிட்னி மெட்ரோ வலையமைப்பில் தாமதங்கள் வழமைக்கு திரும்ப ஆரம்பித்துள்ளன.
சிட்னி மெட்ரோ செய்தித் தொடர்பாளர் ஒருவர் கூறுகையில், மேல்நிலை மின் இணைப்புகளுடன் இணைப்பதன் மூலம் ரயிலுக்கான மின்சாரத்தை சேகரிக்கும் pantograph-இல் சிக்கல் ஏற்பட்டதாகக் கூறினார்.
மாலை 7 மணிக்குள், Sydenham மற்றும் Barangaroo இடையேயான அனைத்து மெட்ரோ சேவைகளும் வழக்கம் போல் இயங்கத் தொடங்கின.
“Barangaroo-இல் இயந்திர பழுதுபார்ப்பு தேவைப்படும் ஒரு ரயிலைத் தொடர்ந்து, சிட்னி மெட்ரோ சேவைகள் இயல்பு நிலைக்குத் திரும்பி வருகின்றன” என்று NSW போக்குவரத்து தெரிவித்துள்ளது.
பயணிகள் தொடர்ந்து அறிவிப்புகளைக் கேட்க வேண்டும் என்றும் சமீபத்திய சேவை புதுப்பிப்புகளுக்கு தகவல் காட்சிகளைப் பார்க்க வேண்டும் என்றும் அறிவுறுத்தப்பட்டனர்.
முன்னதாக, Barangaroo மற்றும் Tallawong இடையேயான பாதையில் ரயில்கள் ஒரு சுழற்சியில் இயங்கின. மேலும் பாதையின் தெற்குப் பகுதியில் Sydenham மற்றும் Barangaroo இடையே ஒரு shuttle சேவை இயக்கப்பட்டமை குறிப்பிடத்தக்கது.
