சிட்னி விமான நிலையத்திலுள்ள Taxi கட்டணங்களுக்கு ஒரு நிலையான வரம்புகளை நிர்ணயம் செய்யுமாரு NSW அரசாங்கத்திற்கு பரிந்துரைக்கப்பட்டுள்ளது. ஏனெனில் சில பயணிகள் $50 பயணத்திற்கு $100 வரை செலவிடுகிறார்கள் எனவும், மேலும் அதிக கட்டணங்கள் தங்களிடம் இருந்து வசூலிக்கப்படுவதாகவும் பயணிகள் புகாரளித்துள்ளனர்.
விமான நிலையத்திலிருந்து CBD வரையிலான நிலையான டாக்சிகளில் டாக்ஸி பயணங்களுக்கு அதிகபட்சமாக $60 கட்டணத்தையும், maxi டாக்சிகளுக்கு $80 கட்டணத்தையும் அறிமுகப்படுத்த சுயாதீன விலை நிர்ணயம் மற்றும் ஒழுங்குமுறை தீர்ப்பாயம் NSW அரசாங்கத்தை பரிந்துரைத்துள்ளது.
இந்த நிலையான கட்டண முறை இரண்டு வருட காலத்திற்கு சோதனை செய்யப்படும். மேலும் விமான நிலையத்திலிருந்து 2000 அஞ்சல் குறியீடு இலக்குக்கான பயணங்களுக்கு மட்டுமே இது பொருந்தும்.
ஜூலை 2026 முதல் ஒவ்வொரு ஆண்டும் நுகர்வோர் விலைக் குறியீட்டுடன் கட்டணங்களும் உயரும். நகரத்திற்கு சீரற்ற கட்டணங்களைத் தடுக்க இந்த திட்டம் வடிவமைக்கப்பட்டுள்ளது.
NSW டாக்ஸி கவுன்சிலின் தலைமை நிர்வாகி Nick Abrahim, இந்த வரம்புகளை ஆதரிப்பதாகவும், அவை “நம்பகத்தன்மை மற்றும் நிலைத்தன்மையை” உறுதி செய்யும் என்றும் கூறினார்.
