ஆஸ்திரேலியர்கள் பயன்படுத்தும் Sunscreenகளில் உள்ள SPF மதிப்பு, அவற்றின் லேபிள்களில் குறிப்பிடப்பட்டுள்ள SPF நிலைக்கு பொருந்தவில்லை என்பது தெரியவந்துள்ளது.
ஆஸ்திரேலியாவின் நுகர்வோர் பாதுகாப்பு அமைப்பான Choice நடத்திய புதிய விசாரணையைத் தொடர்ந்து இந்தத் தகவல் தெரிவிக்கப்பட்டுள்ளது.
பல Sunscreens நுகர்வோர் எதிர்பார்க்கும் புற ஊதா பாதுகாப்பை வழங்குவதில்லை என்று Choice-இன் தலைமை நிர்வாக அதிகாரி கூறினார்.
இந்த நிறுவனம் SPF50 மற்றும் SPF50+ என பெயரிடப்பட்ட 20 பிரபலமான sunscreensகளை சோதித்தது.
4 வகையான Sunscreensகள் மட்டுமே லேபிளில் உள்ள SPF மதிப்பை உறுதிப்படுத்த முடிந்தது என்று அவர்கள் கூறினர்.
Ultraviolet-இன் Lean Screen Sunscreens SPF 50+ என பெயரிடப்பட்டிருந்தாலும், சோதனையில் ஈடுபட்ட ஆய்வக நிபுணர்கள், சோதனைக்குப் பிறகு அதில் SPF 4 மட்டுமே இருப்பதாகக் கூறினர்.
இது தொடர்பாக ஆஸ்திரேலிய நுகர்வோர் பாதுகாப்பு ஆணையத்தில் Choice புகார் அளித்துள்ளது. மேலும் உடனடியாக விசாரணை தொடங்கப்படும் என்று ஆணையம் அறிவித்துள்ளது.
