தெற்கு ஆஸ்திரேலியாவில் கடுமையான விதிமுறைகளின் கீழ் பொது சாலைகளில் E-Scooters மற்றும் E-Skateboards அனுமதிக்கப்பட்டுள்ளன.
இந்த அனுமதி 16 வயதுக்கு மேற்பட்டவர்களுக்குப் பல நிபந்தனைகளுக்கு உட்பட்டு கிடைக்கும்.
அதன்படி, அனைத்து E-Scooters மற்றும் E-Skateboards பயனர்களும் நடைபாதைகள், பகிரப்பட்ட பாதைகள் மற்றும் கடற்கரைகளில் மணிக்கு 10 கிலோமீட்டருக்கும் குறைவான வேகத்தில் ஓட்ட வேண்டும்.
மணிக்கு 60 கிலோமீட்டர் அல்லது அதற்கும் குறைவான வேக வரம்புகளைக் கொண்ட சாலைகளிலும் வாகனம் ஓட்ட அனுமதிக்கப்படுகிறது. மேலும் அந்தச் சாலைகளில் உள்ள மிதிவண்டிப் பாதைகளில் மட்டுமே, நீங்கள் மணிக்கு 25 கிலோமீட்டர் அல்லது அதற்கும் குறைவான வேகத்தில் ஓட்ட முடியும்.
வாகனம் ஓட்டும்போது ஹெல்மெட் அணிய வேண்டும். மேலும் அவர்கள் வாகனத்தை ஓட்டுபோது போதைப்பொருள் மற்றும் மதுவைத் தவிர்க்க வேண்டும்.
வாகனம் ஓட்டும்போது கூடுதல் பயணிகளை ஏற்றிச் செல்வதும், தொலைபேசிகளைப் பயன்படுத்துவதும் தடைசெய்யப்பட்டுள்ளது.
சட்டத் திருத்தங்களை ஆதரிப்பதற்காக பொது விழிப்புணர்வு நிகழ்ச்சிகள் நடத்தப்படும் என்று போக்குவரத்து அமைச்சர் டாம் கவுட்சன்டோனிஸ் தெரிவித்தார்.
அறிமுகப்படுத்தப்பட்ட புதிய சட்டங்கள் மற்றும் ஒழுங்குமுறைகள் ஜூலை 13 முதல் அமலுக்கு வர திட்டமிடப்பட்டுள்ளது.
