வடக்கு குயின்ஸ்லாந்தின் வெப்பமண்டல மழைக்காடுகளில் ஒரு புதிய வகை ராட்சத குச்சி பூச்சி கண்டுபிடிக்கப்பட்டுள்ளது.
44 கிராம் எடையுள்ள இந்தப் பெண் பூச்சி, ஆஸ்திரேலியாவிலேயே மிகவும் கனமான பூச்சியாகக் கருதப்படுகிறது.
இந்தப் பூச்சி வாழ்ந்த Atherton Tablelands வனச் சூழலைக் கருத்தில் கொண்டு, Acrophylla alta என்று பெயரிடப்பட்டுள்ளது.
Millaa Millaa மலைகளுக்கும் Hypipamee மலைக்கும் இடையில், கடல் மட்டத்திலிருந்து 900 மீட்டருக்கும் அதிகமான உயரத்தில் அமைந்துள்ள இந்தப் பகுதி, ஈரமான வெப்பமண்டல உலக பாரம்பரியப் பகுதி என்று அழைக்கப்படுகிறது.
இந்தக் கண்டுபிடிப்பை James Cook பல்கலைக்கழக துணைப் பேராசிரியர் Angus Emmott மற்றும் குயின்ஸ்லாந்து விஞ்ஞானி Ross Coupland ஆகியோர் செய்தனர்.
புதிய இனம் என்று அவர்கள் நம்பியவற்றின் புகைப்படத்தைப் பெற்ற பிறகு, இந்தப் பூச்சியைத் தேடத் தொடங்கினர்.
இருப்பினும், இந்த இனத்தைச் சேர்ந்த ஒரு ஆண் உயிரினத்தைக் கண்டுபிடிக்க இன்னும் முடியவில்லை, ஏனெனில் அவை காட்டின் மேல் பகுதிகளில் வசிப்பதால் இது கடினமாக உள்ளது.
