அடுத்த ஆண்டு முதல் ஆஸ்திரேலியர்கள் மூன்றாம் சார்லஸ் மன்னரின் உருவம் கொண்ட நாணயங்களை பயன்படுத்த முடியும் என்பதற்கான அறிகுறிகள் தென்படுகின்றன.
தற்போது பயன்பாட்டில் உள்ள ராணியின் உருவம் பொறிக்கப்பட்ட நாணயங்கள் தொடர்ந்து செல்லுபடியாகும் என நிதித்துறை துணை அமைச்சர் ஆண்ட்ரூ லே செய்தியாளர் சந்திப்பில் தெரிவித்தார்.
1966ஆம் ஆண்டு முதல், இவ்வாறு வெளியிடப்பட்ட ராணியின் உருவம் கொண்ட நாணயங்களின் எண்ணிக்கை சுமார் 50 பில்லியன் ஆகும்.
எப்படியிருப்பினும், ஆஸ்திரேலியர்கள் ராணி எலிசபெத் மற்றும் மன்னர் சார்லஸ் நாணயங்களுக்கு இடையே ஒரு பெரிய வித்தியாசத்தைக் காண முடியும்.
அதாவது ராணியின் முகம் வலது பக்கம் இருந்தாலும், சார்லஸ் மன்னரின் முகம் இடது பக்கம் பார்த்து அச்சிடப்பட்டிருக்கும்.
இது ஒரு பாரம்பரியம் என்று துணைப் பொருளாளர் அமைச்சர் ஆண்ட்ரூ லே கூறினார்.
அரச தலைவர் மாறும் போது அவர்களின் உருவத்தின் திசையையும் மாற்ற வேண்டும் என பிரதி நிதி அமைச்சர் தெரிவித்துள்ளார்.
