வேகமாகப் பரவி வரும் காட்டுத்தீ நிலைமை காரணமாக, விக்டோரியாவின் Upper Murray பகுதியில் வசிப்பவர்கள் வெளியேறுமாறு அறிவுறுத்தப்பட்டுள்ளனர்.
ஒரு தேசிய பூங்காவிற்கு அருகில் 1,200 ஹெக்டேர் பரப்பளவில் தீ பரவியதாக தீயணைப்பு படை தெரிவித்துள்ளது.
Wodonga அருகே வால்வாவிலிருந்து மேற்கே 25 கிலோமீட்டர் தொலைவில் ஒரு பெரிய காட்டுத்தீ எரிந்து வருவதாகவும் தெரிவிக்கப்பட்டுள்ளது.
இன்று பிற்பகல் தீ தென்கிழக்கில் இருந்து தெற்கே நகர்ந்து தற்போது Mt Lawson State Park வழியாக பங்கில் நோக்கி நகர்ந்து வருவதாக VicEmergency தெரிவித்துள்ளது.
இதன் விளைவாக, பங்கில், கிரானியா மற்றும் தோலோகோலாங் குடியிருப்பாளர்கள் உடனடியாக வெளியேறுமாறு VicEmergency வலியுறுத்துகிறது.
நீங்கள் தங்க முடிவு செய்தால் அவசர சேவைகள் உங்களுக்கு உதவ முடியாமல் போகலாம் என்று விக்டோரியா அவசர சேவை அதிகாரி ஒருவர் ஊடகங்களுக்குத் தெரிவித்தார்.
கடுமையான வெப்பம் மற்றும் வெள்ளிக்கிழமை காற்று நிலைமைகளில் ஏற்படும் மாற்றங்கள் காரணமாக தீயின் தீவிரம் மேலும் அதிகரிக்கக்கூடும் என்று CFA சம்பவக் கட்டுப்பாட்டாளர் ஆரோன் கென்னடி எச்சரிக்கிறார்.
வால்வா பகுதியில் ஏற்பட்ட தீ விபத்தில் ஒரு தனியார் கேரவன் எரிந்து நாசமாகியுள்ளது. ஆனால் சொத்துக்கள், கால்நடைகள் அல்லது மனித உயிர்களுக்கு வேறு எந்த சேதமும் ஏற்படவில்லை.
