கார்த்தி நடிப்பில் பிஎஸ் மித்ரன் இயக்கத்தில் உருவான ’சர்தார்’ திரைப்படம் கடந்த அக்டோபர் 21ஆம் தேதி தீபாவளி விருந்தாக வெளியானது என்பதும், இந்த படம் மிகப்பெரிய வெற்றி பெற்றது என்பதும் தெரிந்ததே.
தமிழில் மட்டுமின்றி தெலுங்கிலும் இந்த படம் நல்ல வசூலை செய்து வருகிறது என்றும் இந்தப் படம் ’விருமன்’, ’பொன்னியின் செல்வன்’ படங்களை அடுத்து கார்த்தியின் வெற்றி பட பட்டியலில் இணைந்துள்ளது என்பது குறிப்பிடத்தக்கது.
இந்த நிலையில் ’சர்தார்’ படத்தின் வெற்றியை அடுத்து இந்த படத்தை தயாரித்த பிரின்ஸ் பிக்சர்ஸ் நிறுவனம், இயக்குனர் பிஎஸ் மித்ரனுக்கு டொயோட்டா லான்சன் காரை பரிசாக அளித்துள்ளது. இந்த காரின் சாவியை நடிகர் கார்த்தி இயக்குனர் பிஎஸ் மித்ரனுக்கு வழங்கிய புகைப்படம் தற்போது வைரலாகி வருகிறது. தமிழ் சினிமாவின் சூப்பர் ஹிட் படத்தை கொடுத்த பிஎஸ் மித்ரனுக்கு இந்த பரிசு ஒரு சூப்பர் பரிசு என்பது குறிபிடத்தக்கது.
இந்தநிலையில் ’சர்தார்’ படத்தின் வெற்றியை அடுத்து இந்த படத்தின் இரண்டாம் பாக தயாரிப்பு குறித்த திட்டம் இருப்பதாகவும் விரைவில் ’சர்தார் 2’ படம் குறித்த அறிவிப்பு வெளியாகும் என்றும் கூறப்படுகிறது.
’சர்தார்’ படத்தையடுத்து கார்த்தி தற்போது இயக்குனர் ராஜூமுருகன் இயக்கி வரும் படத்தில் நடித்து வருகிறார். இதனையடுத்து அவர் ’கைதி 2’ படத்தில் நடிக்கவிருக்கும் நிலையில் அதன்பிறகு ’சர்தார் 2’ படத்தில் நடிப்பார் என்று எதிர்பார்க்கப்படுகிறது.
