காலிமுகத்திடல் மற்றும் ஜனாதிபதி செயலக வளாகத்தில் முகாமிட்டிருந்த போராட்டக்காரர்களை, பாதுகாப்புப் படையினரின் சீருடைகளுக்கு நிகரான சீருடை அணிந்திருந்த வெளி தரப்பினரே தாக்கியதாக சந்தேகம் நிலவுவதாக ஐக்கிய மக்கள் சக்தியின் பாராளுமன்ற உறுப்பினர் திஸ்ஸ அத்தநாயக்க தெரிவித்துள்ளார்.
போராட்டக்காரர்கள் ஜனாதிபதி செயலகத்தை விட்டு வெளியேறுவதாக தெரிவித்திருந்த நிலையிலும் பாதுகாப்பு படையினர் தாக்குதல் நடத்தியதின் பின்னால் பல சந்தேகங்கள் எழுந்துள்ளதாக அவர் மேலும் தெரிவித்துள்ளார்.
இத்தாக்குதல்கள் மூலம் அரச பயங்கரவாதத்தைக் கொண்டு வந்து மக்களின் அடிப்படை உரிமைகளை நசுக்க அரசாங்கம் தயாராகி வருவதாக திஸ்ஸ அத்தநாயக்க குற்றம் சுமத்தியுள்ளார்.
