‘ஓல்ட் ஃபாதர் தேம்ஸ்’ என்று இங்கிலாந்து மக்களால் பிரியமாக அழைக்கப்படும் தேம்ஸ் நதி, தென் மத்திய இங்கிலாந்தின் கண்கவர் காட்ஸ்வோல்ட் மலைகளிலுள்ள நான்கு ஊற்றுகளிலிருந்து பெருக்கெடுக்கிறது. அது கிழக்கு நோக்கி 350 கிலோமீட்டர் வளைந்து நெளிந்து ஓடுகையில் மற்ற நதிகளும் சேர்ந்து கொள்கின்றன. கடைசியாக 29 கிலோமீட்டர் அகன்ற ஒரு கழிமுகத்தைக் கடந்து வட கடலில் சென்று கலக்கிறது. இந்தநிலையில், தேம்ஸ் நதி முன்னேப்பதும் இல்லாததை விட தற்போது கீழ்நோக்கி சென்று விட்டது எனவும் இங்கிலாந்து வறட்சிக்குள் நுழையத் தயாராக உள்ளதாக சில நிபுணர்கள் கவலை தெரிவித்துள்ளனர். 1935 ஆம் ஆண்டுக்குப் பிறகு இங்கிலாந்தின் சராசரி மழைப்பொழிவு 23.1 மில்லிமீட்டர் (0.9 அங்குலம்), இந்த மாதத்தின் சராசரி மழை 35% மட்டுமே எனவும் தெரிவிக்கப்பட்டுள்ளது. ஜூலை மாதத்தில் மழை பொழிவு மிகவும் குறைவு என இங்கிலாந்து வானிலை அலுவலகம் தெரிவித்துள்ளது. நாட்டின் சில பகுதிகளில் இதுவரை இல்லாத அளவுக்கு ஜூலையில் வறட்சியே நிலவியது என தெரிவிக்கப்பட்டுள்ளது.
நதியின் ஆதாரமாக அறியப்படும் இயற்கை நீரூற்று பெரும்பாலான கோடைகாலங்களில் வறண்டுவிடும். ஆனால் இந்த ஆண்டு வறண்ட ஆற்றுப்படுகையாக மாறி முந்தைய ஆண்டுகளைக் காட்டிலும் கணிசமாக இந்த ஆண்டு கீழ்நோக்கி சென்றடைகிறது என்று பாதுகாப்பு நிபுணர்களின் கணிப்ப்கள் தெரிவிக்கின்றன. குறைந்த மழைப்பொழிவு ஆற்றின் நீர்மட்டத்தையும், நீர்நிலைகளையும் குறைத்துள்ளது. அதே நேரத்தில் பயிர்களுக்கு நீர்ப்பாசனம் செய்யவும், குடிநீரை நிரப்பவும் மற்றும் தொழில்துறையில் பயன்படுத்தவும் நீர்வழிகளில் இருந்து தண்ணீர் எடுக்கப்பட்டு வருகிறது. ஆகஸ்ட் மாதத்தில் மழை பெய்யவில்லை என்றால், உண்மையில், குளிர்காலம் வறண்ட காலமாகிவிடும், வசந்த காலத்திலும் அடுத்த கோடைகாலத்திலும் எங்களிடம் தண்ணீர்க் கடைகள் எதுவும் இல்லாதபோது கடுமையான சிக்கலில் இருக்கக்கூடும் என பருவநிலை நிபுணரும், ரீடிங் பல்கலைகழகத்தின் நீரியல் நிபுணருமான ஹன்னா க்ளோக் கூறியுள்ளார்.
