ஆஸ்திரேலியா முழுவதும் பல துறைகளில் ஏற்பட்டுள்ள கடுமையான தொழிலாளர் பற்றாக்குறையை சமாளிக்க ஓய்வு பெற்றவர்களை குறிப்பிட்ட காலத்திற்கு பணிக்கு திரும்ப அனுமதிக்க மத்திய அரசாங்கம் முடிவு செய்துள்ளது.
ஓய்வூதியத்தில் எந்த பாதிப்பும் இல்லாமல் இந்த முறை அமல்படுத்தப்படும் என்று பிரதமர் ஆண்டனி அல்பானீஸ் அரசு கூறுகிறது.
இதனால், 66 வயதுக்கு மேற்பட்ட ஓய்வூதியம் பெறுவோர் 06 மாத காலத்திற்கு கூடுதல் மணிநேரம் வேலை செய்ய உரிமை உண்டு.
தற்போதைய சட்டத்தின்படி, ஓய்வு பெற்றவர் 02 வாரங்களுக்கு கூடுதல் பணியில் ஈடுபடுவதன் மூலம் சம்பாதிக்கக்கூடிய அதிகபட்சத் தொகை 490 டொலர் மற்றும் அந்தத் தொகைக்கு மேல் சம்பாதிக்கும் ஒவ்வொரு டொலருக்கும் 50 சதம் கழிக்கப்படும்.
முன்மொழியப்பட்ட புதிய தீர்மானம் அடுத்த மாதம் கான்பராவில் நடைபெறும் வேலைகள் மற்றும் திறன்கள் மாநாட்டில் விவாதிக்கப்பட்டு ஏற்றுக்கொள்ளப்பட உள்ளது.
வேலையின்மை விகிதத்தை 3.5 சதவீதமாக வைத்திருப்பதே நோக்கம் என்று மத்திய நிதி அமைச்சர் ஜிம் சால்மர்ஸ் கூறுகிறார்.
இதற்கு லிபரல் கூட்டணியும் ஒப்புக்கொண்டதாக எதிர்க்கட்சித் தலைவர் பீட்டர் டட்டன் தெரிவித்திருந்தார்.
