பிரான்சின் தென்மேற்கில் கட்டுக்கடங்காத காட்டுத் தீ

பிரான்ஸின் தென்மேற்குப் பகுதியில் பரவும் காட்டுத்தீயைக் கட்டுப்படுத்துவதற்குத் தீயணைப்பாளர்கள் போராடுகின்றனர்.

ஐரோப்பாவை அனல்காற்று சுட்டெரிக்கும் வேளையில் அங்குக் காட்டுத்தீ சில வாரங்களாக எரிகிறது.

அதனால் அருகில் உள்ள பைன் காடுகளில் பெருஞ்சேதம் ஏற்பட்டுள்ளது. 74 சதுர கிலோமீட்டருக்கும் அதிகமான பரப்பளவு தீக்கு இரையானதுடன் ஆயிரக்கணக்கானோர் வீடுகளைவிட்டு வெளியேறும் நிலை ஏற்பட்டுள்ளது.

ஐரோப்பாவின் வெவ்வேறு பகுதிகளைச் சேர்ந்த 360க்கும் அதிகமான தீயணைப்பாளர்கள் தீயணைப்பு முயற்சியில் சேர்ந்துள்ளனர்.

அவர்களுடன் ஆயிரத்துக்கும் அதிகமான பிரஞ்சு அதிகாரிகள் பணியில் ஈடுபட்டுள்ளனர்.