ஆஸ்திரேலியப் பிரதமர் ஆண்டனி அல்பனீஸி (Anthony Albanese), அரசாங்கத் தலைமை வழக்கறிஞரிடமிருந்து பெறப்பட்ட சட்ட ஆலோசனையைக் கூடிய விரைவில் வெளியிடவிருக்கிறார்.
முன்னாள் பிரதமர் ஸ்கொட் மோரிசன் (Scott Morrison) இரகசியமான முறையில் அமைச்சர் பதவிகளை ஏற்றதன் மூலம் எந்தச் சட்டத்தையும் மீறினாரா என்பது பற்றி அதில் தெரிவிக்கப்படும்.
அந்தத் தகவல்கள் வெளிப்படையாகப் பகிரப்படும் என்று அல்பனீஸி செய்தியாளர்களிடம் கூறினார்.
நோய்ப்பரவலின்போது மோரிசன் பல்வேறு முக்கிய அமைச்சுகளுக்கு ரகசியமாகப் பொறுப்பேற்றார் என்று கடந்த வாரம் தெரியவந்தது.
அதன் தொடர்பில் எல்லாத் தரப்பிலிருந்தும் குறைகூறல்கள் எழுந்துள்ளன. ஆனால் மோரிசன் தனது முடிவைத் தற்காத்துப் பேசியுள்ளார்.
நோய்ப்பரவலில் இருந்து நாட்டை மீட்கத் தாம் மட்டுமே பொறுப்பு என அவர் தெரிவித்துள்ளார்.
