சிட்னியிலிருந்து மெல்போர்ன் வந்த குவாண்டாஸ் விமானம் மெல்போர்னில் தரையிறங்கியதும், 200 பயணிகளை உடனடியாக வெளியே வரும்படி பாதுகாப்புப் படையினர் தெரிவித்துள்ளனர்.
QF 487 என்ற விமானத்தில் பயணித்த ஒருவர், சிட்னி விமான நிலையத்தில் சரியாகப் பரிசோதிக்கப்படவில்லை என்பதை பாதுகாப்பு உறுதிப்படுத்தியுள்ளது.
நடுவானில் இந்த விடயம் கண்டறியப்பட்டதுடன் மெல்போர்னில் வைத்து உடனடியாக பயணிகள் வெளியேற்றப்பட்டுள்ளனர்.
மெல்போர்ன் விமான நிலையத்தில் விமானம் தரையிறங்கியதும், ஆஸ்திரேலிய பெடரல் பொலிஸார் – விக்டோரியா ஸ்டேட் பொலிஸார் மற்றும் விமான நிலைய பாதுகாப்பு படையினர் பலத்த பாதுகாப்பு அளித்து அனைத்து பயணிகளும் சோதனை செய்தனர்.
அவர்கள் யாரும் கழிவறைக்கு செல்ல அனுமதிக்கப்படவில்லை என்று கூறப்படுகிறது.
அனைத்து பயணிகளும் மெல்போர்ன் விமான நிலையத்தை விட்டு வெளியேற அனுமதிக்கப்பட்டனர், மேலும் சந்தேகத்திற்கிடமான எதுவும் கிடைக்கவில்லை என பாதுகாப்பு அதிகாரிகள் தெரிவித்தனர்.
