கிறிஸ்துமஸ் சமயத்தில் ஆஸ்திரேலியாவில் உணவுப் பொருட்களின் விலை மேலும் உயரக்கூடும் என்று கணிக்கப்பட்டுள்ளது.
அதன்படி, உணவுக்காக மேலதிகமாக 59 டொலர்களும், எரிபொருளுக்கு மேலதிகமாக 35 டொலர்கள் மற்றும் எரிவாயு-மின்சார-தண்ணீர் கட்டணங்களுக்கு மேலதிகமாக 76 டொலர்களும், என வாரத்திற்கு 170 டொலர்கள் மேலதிகமாக செலவிட வேண்டியிருக்கும் என்று கணிக்கப்பட்டுள்ளது.
இந்த கணிப்புடன், கிட்டத்தட்ட பாதி ஆஸ்திரேலியர்கள் தங்கள் தேவையற்ற செலவுகளை முடிந்தவரை குறைத்துக்கொள்வார்கள் என்று தகவல்கள் உள்ளன.
2,050 பேரிடம் நடத்தப்பட்ட ஆய்வில், 61 சதவீதம் பேர் எந்த உணவுப் பொருள் அல்லது பொருளை வாங்கும்போது மலிவான பிராண்டுகளை வாங்குவதாகக் கூறியுள்ளனர்.
47 சதவீதம் பேர் கேளிக்கை செலவுகளை குறைத்துள்ளதாகவும், 36 சதவீதம் பேர் செய்தித்தாள்கள்/ சஞ்சிகைகள் மற்றும் இசைக்கான செலவுகளை குறைத்துள்ளதாகவும் தெரியவந்துள்ளது.
