ஆஸ்திரேலியா முழுவதும் உள்ள விமான நிலையங்களில் உள்ள தீயணைப்பு வீரர்கள் அடுத்த வாரம் வேலையை விட்டு வெளியேறி வேலைநிறுத்தத்தில் ஈடுபட முடிவு செய்துள்ளனர்.
இதனால் விமான நிலையங்களில் கடுமையான நெருக்கடி நிலைமை ஏற்படவுள்ளதாக தெரிவிக்கப்படுகின்றது.
அதன்படி டிசம்பர் 09 ஆம் திகதி காலை 06 மணி முதல் 04 மணித்தியாலங்களுக்கு இந்த பணிப்புறக்கணிப்பில் ஈடுபடுவதற்கு திட்டமிட்டுள்ளனர்.
மெல்போர்ன்-சிட்னி விமான நிலையம் உட்பட ஆஸ்திரேலியா முழுவதும் உள்ள 27 விமான நிலையங்களில் தீயணைப்புத் தொழிலாளர்களின் இந்த வேலைநிறுத்தம் காரணமாக விமான நிலைய நடவடிக்கைகளுக்கு கடுமையான இடையூறுகள் ஏற்படும் என்று எச்சரிக்கைகள் உள்ளன.
தீயணைப்பு பணியாளர்கள் பற்றாக்குறையை தீர்க்க அதிகாரிகள் உடனடி நடவடிக்கை எடுக்க வலியுறுத்தி இந்த போராட்டம் நடத்த திட்டமிடப்பட்டுள்ளது.
வேலைநிறுத்தக் காலத்தில் விமானங்கள் விபத்துக்குள்ளானால் அதைக் கட்டுப்படுத்த நடவடிக்கை எடுக்கப்பட மாட்டாது என்றும் தீயணைப்பு வீரர்கள் எச்சரித்துள்ளனர்.
