Business இந்தியர்கள் ஆஸ்திரேலியா வந்து பணிபுரியலாம் - Work and Holiday விசா!

இந்தியர்கள் ஆஸ்திரேலியா வந்து பணிபுரியலாம் – Work and Holiday விசா!

-

ஆஸ்திரேலியா-இந்தியா இடையேயான பொருளாதார ஒத்துழைப்பு மற்றும் வர்த்தக ஒப்பந்தத்தின்கீழ், “Work and Holiday” திட்டத்தில் இந்திய இளைஞர்களும் சேர்த்துக் கொள்ளப்படவுள்ளனர்.

இவ்வாண்டு கைச்சாத்திடப்பட்ட ஆஸ்திரேலியா-இந்தியா இடையேயான பொருளாதார ஒத்துழைப்பு மற்றும் வர்த்தக ஒப்பந்தம், டிசம்பர் 29ம் திகதி நடைமுறைக்கு வரவுள்ளது.

குறித்த ஒப்பந்தத்தின்கீழ் இருநாடுகளுக்கும் பல நன்மைகள் ஏற்படவுள்ளநிலையில், இந்த ஒப்பந்தத்தின் ஒருபகுதியாக, ஆஸ்திரேலியாவின் “Work and Holiday” திட்டத்தில் இந்தியர்களும் சேர்த்துக் கொள்ளப்படவுள்ளனர்.

இதன்கீழ் தொழில் மற்றும் கலாச்சார எல்லைகளை விரிவுபடுத்த விரும்பும் இந்திய இளைஞர்கள் ஆஸ்திரேலியாவிற்கு வரமுடியும்.

ஆஸ்திரேலியா-இந்தியா இடையேயான ஒப்பந்தம் நடைமுறைக்கு வந்த இரண்டு ஆண்டுகளுக்குள், இந்திய இளைஞர்களுக்கான “Work and Holiday” ஏற்பாட்டை ஆஸ்திரேலியா மேற்கொள்ளும்.

இதன்படி ஆண்டொன்றுக்கு சுமார் 1000 Work and Holiday (subclass 462) விசாக்களை ஆஸ்திரேலிய அரசு வழங்கும் எனவும், குறித்த விசா பிரிவின் கீழ் இங்கு வருபவர், சுமார் 12 மாதங்களுக்கு ஆஸ்திரேலியாவில் தங்கியிருந்து பணிபுரியமுடியும் எனவும் குறிப்பிடப்படுகிறது.

பின்வரும் நிபந்தனைகளைப் பூர்த்திசெய்யும் இந்திய இளைஞர்கள் இந்த விசாவைப் பெறுவதற்கு தகுதிபெறுவர்:

  1. செல்லுபடியாகும் நிலையிலுள்ள இந்திய கடவுச்சீட்டை வைத்திருக்கவேண்டும்;
  2. விசாவிற்கு விண்ணப்பிக்கும்போதும் அதைப் பெற்றுக்கொள்ளும்போதும் ஆஸ்திரேலியாவிற்கு வெளியே இருக்கவேண்டும்.
  3. இணையவழி விசா விண்ணப்பத்தை தாக்கல் செய்யவேண்டும்.
  4. விசா விண்ணப்பக் கட்டணத்தை செலுத்தவேண்டும்.
  5. பன்னிரண்டு மாதங்கள் வரையான விடுமுறை காலப்பகுதியை ஆஸ்திரேலியாவில் கழிக்க உத்தேசித்திருக்க வேண்டும்.
  6. பதினெட்டு (18) வயதிலிருந்து 30 வயதுடையவர்களாக இருக்க வேண்டும்.
  7. அவரைச் சார்ந்திருக்கும் குழந்தைகளுடன் வரமுடியாது.
  8. ஆஸ்திரேலியா வருவதற்கான விமானப் பயணச் சீட்டு, அல்லது அதனை வாங்க போதுமான நிதியை வைத்திருக்க வேண்டும்.
  9. ஆஸ்திரேலியாவில் தங்கியிருக்க மற்றும்  ஆஸ்திரேலியாவை விட்டு வெளியேறுவதற்குத் தேவையான போதியளவு நிதியை வைத்திருத்தல்.
  10. ஆஸ்திரேலிய சட்டத்தில் குறிப்பிடப்பட்டுள்ளதற்கேற்ப health & character நிபந்தனைகளைப் பூர்த்தி செய்தல்.
  11. ஆஸ்திரேலியாவின் “Work and Holiday” அல்லது “Working Holiday” திட்டத்தில் இதற்கு முன்பு பங்கேற்றிருக்கக்கூடாது.
  12. குறைந்தது இரண்டு வருடங்கள் post-secondary நிலை படிப்பை வெற்றிகரமாக முடித்திருக்க வேண்டும்.
  13. போதுமான ஆங்கிலப் புலமை இருக்க வேண்டும்.

Work and Holiday (subclass 462) விசா வைத்திருப்பவர்கள் பின்வருவனவற்றைச் செய்வதற்கு அனுமதிக்கப்படுவார்கள்:

  1. விசா வழங்கப்பட்ட நாளிலிருந்து பன்னிரெண்டு (12) மாதங்களுக்குள் அவர்கள் ஆஸ்திரேலியாவிற்குள் நுழையலாம்.
  2. முதலாவது நுழைவு தேதியிலிருந்து பன்னிரண்டு (12) மாதங்கள் வரை ஆஸ்திரேலியாவில் தங்கியிருக்க வேண்டும்.
  3. 12 மாதங்கள் தங்கியிருக்கும் காலத்தில், எத்தனை முறை வேண்டுமானாலும் ஆஸ்திரேலியாவை விட்டு வெளியேறி மீண்டும் திரும்பவரலாம்
  4. ஆஸ்திரேலியாவில் தங்கியிருக்கும் காலம் முழுவதும், ஊதியம் பெறும் அல்லது ஊதியம் இல்லாத வேலையை மேற்கொள்ளலாம்.
  5. நான்கு மாதங்கள் (17 வாரங்கள்) வரை படிப்பு அல்லது பயிற்சியை மேற்கொள்ளலாம்.
  6. இரண்டாவது மற்றும் மூன்றாவது Work and Holiday (subclass 462) விசாவிற்கு விண்ணப்பிப்பதற்குத் தகுதிபெற, ‘குறிப்பிடப்பட்ட பணியொன்றை’ பரிந்துரைக்கப்பட்ட காலப்பகுதிக்கு மேற்கொள்ளுதல்.

Latest news

மருத்துவ ஆலோசனைக்காக காத்திருக்கும் நேரம் இன்னும் அதிகமாகிறது!

ஒரு ஆஸ்திரேலியர் மருத்துவ ஆலோசனை பெற காத்திருக்க வேண்டிய காலம் அதிகரித்துள்ளது. 39 சதவீத மக்கள் அவசர சிகிச்சைக்காக...

சீன உளவு பலூனை அமெரிக்கா சுட்டு வீழ்த்தியது!

அட்லாண்டிக் பெருங்கடலில் உளவு பார்த்ததாகச் சந்தேகிக்கப்படும் சீனப் பலூன், தனது ராணுவத்தால் சுட்டு வீழ்த்தப்பட்டதாக அமெரிக்கா அறிவித்துள்ளது. சீனாவால்...

சிட்னியின் Glebe Market 31 ஆண்டுகளுக்குப் பிறகு மூடப்படவுள்ளது!

சிட்னியில் பிரபலமான வார இறுதி ஷாப்பிங் பகுதியான Glebe Market 31 ஆண்டுகளுக்குப் பிறகு மூட முடிவு செய்துள்ளது.

NSW குடியிருப்பாளர்களுக்கு $250 மின்சார கட்டணம் தள்ளுபடி!

நியூ சவுத் வேல்ஸ் லிபரல் கட்சி அடுத்த மாதம் நடைபெறவுள்ள மாநிலத் தேர்தலில் மீண்டும் வெற்றி பெற்றால், மின் கட்டணத்திற்கு $250 கட்டணச்...

சிட்னியின் Glebe Market 31 ஆண்டுகளுக்குப் பிறகு மூடப்படவுள்ளது!

சிட்னியில் பிரபலமான வார இறுதி ஷாப்பிங் பகுதியான Glebe Market 31 ஆண்டுகளுக்குப் பிறகு மூட முடிவு செய்துள்ளது.

NSW குடியிருப்பாளர்களுக்கு $250 மின்சார கட்டணம் தள்ளுபடி!

நியூ சவுத் வேல்ஸ் லிபரல் கட்சி அடுத்த மாதம் நடைபெறவுள்ள மாநிலத் தேர்தலில் மீண்டும் வெற்றி பெற்றால், மின் கட்டணத்திற்கு $250 கட்டணச்...