சிட்னி மருத்துவமனை ஒன்று இரவு ஷிப்டுகளில் சிறிது நேரம் தூங்கும் பயிற்சி மருத்துவர்களை பணி நீக்கம் செய்யப்போவதாக எச்சரித்துள்ளது.
இது குறித்து சம்பந்தப்பட்ட மருத்துவர்களுக்கு அனுப்பியுள்ள கடிதத்தில், பணிபுரிந்ததற்காக ஊதியம் வழங்கப்படுவதால் ஷிப்ட் நேரத்தில் தூங்க அனுமதி இல்லை என தெரிவிக்கப்பட்டுள்ளது.
மேலும், மருத்துவ ஓய்வறையில் உள்ள அனைத்து வசதியான இருக்கைகளும் அகற்றப்பட்டு, வசதி குறைந்த நாற்காலிகள் அமைக்கப்படும் என்றும் தெரிவிக்கப்பட்டுள்ளது.
எவ்வாறாயினும், இது தொடர்பாக மருத்துவர்கள் மற்றும் தொழிற்சங்கங்கள் கடும் எதிர்ப்பு தெரிவித்ததுடன், கடுமையான கடமைகளை எதிர்கொண்டு சிறிது ஓய்வு எடுப்பதை யாரும் எதிர்க்க முடியாது என்று குற்றம் சாட்டியுள்ளனர்.
கடுமையான மருத்துவப் பற்றாக்குறையின் மத்தியிலும், நோயாளிகளுக்கு மிக உயர்ந்த சேவையை வழங்கும் மருத்துவர்களுக்கு அதிகபட்ச செயல்திறனுடன் பணியாற்ற குறுகிய இடைவெளிகள் தேவை என்று அவர்கள் வலியுறுத்துகின்றனர்.
