ஆஸ்திரேலியாவில் விமான நிலைய பாதுகாப்பு ஊழியர்கள் வேலை நிறுத்தம் – மக்கள் நெருக்கடியில்!

ஆஸ்திரேலியாவில் பல விமான நிலையங்களில் பாதுகாப்பு ஊழியர்கள் வேலைநிறுத்தத்திற்கு தயாராகி வருகின்றனர்.

அடுத்த வெள்ளிக்கிழமை கான்பெர்ரா விமான நிலையத்திலும், அடுத்த வாரம் திங்கட்கிழமை பிரிஸ்பேன் மற்றும் கோல்ட் கோஸ்ட் விமான நிலையங்களிலும் வேலைநிறுத்தங்கள் நடைபெறும்.

ஊதியத்தை 10 முதல் 15 சதவீதம் வரை உயர்த்த வேண்டும் என்று கோரி இந்த தொழில் நடவடிக்கை திட்டமிடப்பட்டுள்ளது.

கிறிஸ்மஸ் விடுமுறைக்காக வேறு பிரதேசங்களுக்கோ அல்லது வேறு நாடுகளுக்கோ செல்ல எதிர்பார்த்துள்ள பெருமளவிலான மக்கள் கடுமையாக பாதிக்கப்படுவார்கள் என கணிக்கப்பட்டுள்ளது.

03 ஆண்டுகளில் ஆஸ்திரேலியர்கள் எந்தவித கோவிட் விதிமுறைகளும் இல்லாமல் கொண்டாடும் முதல் கிறிஸ்துமஸ் இதுவாகும்.

எனவே வேலை நிறுத்தம் இன்றி இப்பிரச்சினைக்கு தீர்வு காண்பதில் அதிகாரிகளின் கவனம் செலுத்தப்பட்டுள்ளது.