சிறார்களுக்கு சிகரெட் விற்பனை செய்வதை தடை செய்யும் கடுமையான விதிமுறைகளை நியூசிலாந்து அமல்படுத்தியுள்ளது. எனவே, ஜனவரி 01, 2009 க்குப் பிறகு பிறந்த எவரும் சிகரெட் வாங்குவது தடைசெய்யப்பட்டுள்ளது, அதே விதி அவர்களின் வாழ்நாள் முழுவதும் நடைமுறையில் இருக்கும். இந்த விதிமுறைகளை மீறினால் விற்பனையாளர் மற்றும் வாங்குபவர் இருவருக்கும் NZ$150,000 அபராதம் விதிக்கப்படும். 2025ஆம் ஆண்டுக்குள் நியூசிலாந்தை புகையில்லா நாடாக மாற்றுவதுதான் நோக்கம் என்று அந்நாட்டு அரசு அறிவித்துள்ளது. புதிய திருத்தங்களில் சிகரெட்டில் உள்ள நிகோடின் அளவைக் குறைப்பது மற்றும் அடுத்த ஆண்டு இறுதிக்குள் சிகரெட் விற்பனை செய்யும் கடைகளின் எண்ணிக்கையை 90 சதவீதம் குறைக்க வேண்டும். அரசாங்கத்திற்கு கிடைக்கும் வருமானம் குறைவடைந்தாலும் புகைப்பிடிப்பதால் நோய்வாய்ப்படும் மக்களின் செலவு கணிசமாகக் குறையும் என நியூசிலாந்து அரசாங்கம் வலியுறுத்துகிறது. எவ்வாறாயினும், இந்த முன்மொழிவு சட்டவிரோத சிகரெட்டுகளின் அதிகரிப்புக்கு வழிவகுக்கும் என்று நியூசிலாந்து எதிர்க்கட்சி குற்றம் சாட்டுகிறது.
