A-லீக் போட்டியின் போது மைதானங்களை ஆக்கிரமிக்கும் ரசிகர்கள் மீது கடுமையான நடவடிக்கை எடுக்கப்படும் என Football Australia உறுதி செய்துள்ளது. அவர்களை மைதானங்களில் இருந்து வாழ்நாள் முழுவதும் தடை செய்வது குறித்தும் ஆலோசித்து வருவதாக Football Australia தெரிவித்துள்ளது. நேற்றிரவு மெல்போர்னில் நடைபெற்ற போட்டியின் போது, பார்வையாளர்கள் குழுவினால் ஏற்பட்ட பதற்றமான சூழ்நிலையில், வீரர் Tom Glover-ன் முகத்தில் பலத்த காயம் ஏற்பட்டதுடன், போட்டி நடுவருக்கும் காயம் ஏற்பட்டது. இந்த சம்பவம் குறித்து விரிவான விசாரணை தொடங்கப்பட்டுள்ளதாக கால்பந்து ஆஸ்திரேலியா தெரிவித்துள்ளது. இந்த சம்பவம் தொடர்பாக இதுவரை யாரும் கைது செய்யப்படவில்லை.
