ஆர்.ஆர்.ஆர் படத்தின் நாட்டு நாட்டு பாடல் சிறந்த இசைக்கான ஒஸ்கர் பட்டியலில் இடம் பிடித்துள்ளது.
இந்த திரைப்படத்தின் மிகப் பிரபலமான நாட்டு, நாட்டு பாடல் மாபெரும் வரவேற்பு பெற்றது. இந்தப் பாடலில் ஜூனியர் என்.டி.ஆர். மற்றும் ராம் சரணின் நடனம், பார்வையாளர்களை வியப்பில் ஆழ்த்தும் வகையில் அமைக்கப்பட்டிருந்தது.
எம்.எம். கீரவாணி இசையமைப்பில் உருவான இந்தப் பாடலை, ராகுல் மற்றும் கால பைரவா பாடியிருந்தனர்.
இந்த பாடல் உக்ரைனில் படமாக்கப்பட்டது என்று இயக்குனர் எஸ்.எஸ்.ராஜமவுலி தெரிவித்தார். இது உக்ரைன் ஜனாதிபதி ஜெலென்ஸ்கியின் அதிகாரப்பூர்வ இல்லத்திற்கு வெளியே படமாக்கப்பட்டது.
“நாம் நாட்டு நாட்டு பாடலை உக்ரைனில் படமாக்கினோம். அது உண்மையான இடம். அதிர்ஷ்டவசமாக உக்ரைன் ஜனாதிபதி தொலைக்காட்சி நடிகராக இருந்ததால் படப்பிடிப்பு நடத்த அனுமதி அளித்துள்ளார். . வேடிக்கையான விடயம் என்னவென்றால், அவர் ஜனாதிபதி ஆவதற்கு முன்பு ஒரு தொலைக்காட்சி தொடரில் நடித்துள்ளார் என ஆர்.ஆர்.ஆர் பட தயாரிப்பாளர் கூறினார்.
நாட்டு நாட்டு பாடலில் கிட்டத்தட்ட 80 மாறுபாடுகள் இருந்தன. நடிகர்களான ஜூனியர் என்டிஆர் மற்றும் ராம் சரண் ஆகியோர் பாடலுக்கு 18 தடவைகள் எடுத்து கொண்டனர். எஸ்.எஸ்.ராஜமவுலி கடைசியில் இரண்டாவது தடவையை சிறந்ததாகத் தேர்ந்தெடுத்தார்.
நன்றி தமிழன்
