Breaking News உலகப் புகழ் பெற்ற உதைபந்தாட்ட ஜாம்பவான் பீலே காலமானார்!

உலகப் புகழ் பெற்ற உதைபந்தாட்ட ஜாம்பவான் பீலே காலமானார்!

-

உலகப் புகழ் பெற்ற உதைபந்தாட்ட வீரர் பீலே (82) பிரேசிலில் காலமானார்!

தென்அமெரிக்க நாடான பிரேசில் நாட்டின் பிரபல உதைபந்து வீரர் பீலேவுக்கு (வயது 82). கடந்த ஆண்டு பெருங்குடலில் அறுவை சிகிச்சை செய்யப்பட்டு புற்றுநோய் கட்டி அகற்றப்பட்டது. இதன்பின்னர், அவருக்கு கடந்த 2021-ம் ஆண்டு செப்டம்பரில் இருந்து கீமோதெரபி சிகிச்சை அளிக்கப்பட்டு வந்ததது.

சமீப நாட்களாக அவரது உடல்நலம் பலவீனமடைந்து இருந்தது. இதனையடுத்து, பிரேசிலின் சாவ் பொல்ஹொ பகுதியில் உள்ள மருத்துவமனையில் கடந்த மாதம் இறுதியில் பீலே அனுமதிக்கப்பட்டார். அவருக்கு வைத்தியர்கள் தொடந்து சிகிச்சை அளித்து வந்தனர். புற்றுநோய் மிகவும் முன்னேறி உடலின் சில பாகங்களுக்கு பரவியது.

மேலும், நுரையீரல், இதய செயல் இழப்பு தொடர்பான சிகிச்சைகளுக்கான அதிநவீன பிரிவில் அனுமதிக்கப்பட்டுள்ள பீலேவை வைத்தியர்கள் 24 மணி நேரமும் கண்காணித்து வந்தனர். இந்த சூழலில் பீலேவின் இதயம் மற்றும் சிறுநீரகம் தீவிரமாக பாதிப்பு அடைந்தது. தொடர்ந்து ஆபத்தான நிலையில் பீலேவிற்கு சிகிச்சை அளிக்கப்பட்டு வந்தது.

இந்நிலையில் இதயம் மற்றும் சிறுநீரகம் கடுமையாக பாதிக்கப்பட்ட நிலையில் சிகிச்சை பலனின்றி கால்பந்து ஜாம்பவான் பீலே உயிரிழந்ததாக அவரது மகள் தனது இண்ஸ்டாகிராம் பக்கத்தில் தெரிவித்துள்ளார்.

முன்னதாக எல்லா காலத்திலும் சிறந்த கால்பந்து வீரர்களில் ஒருவராக கருதப்படும் பீலே மூன்று முறை உலகக் கோப்பையை வென்றவர். அவரது முதல் உலகக் கோப்பை வெற்றி 1958 இல் ஸ்வீடனில் கிடைத்தது. அரையிறுதியில் ஹாட்ரிக் கோல் அடித்தார். பிரேசிலின் 1962 உலகக் கோப்பையின் போது அவர் காயமடைந்தார்.

தொடர்ந்து பீலே 1970 ஆம் ஆண்டில் மூன்றாவது முறையாக உலகக் கோப்பை கோப்பையை தனது கைகளில் பெற்றார் மற்றும் தங்கப் பந்தை வென்றார். போட்டியில் 4 கோல்கள் அடித்தார். பிபா (FIFA) உலகக் கோப்பைகளில் அதிக வெற்றிகளைப் பெற்ற வீரர் என்ற கின்னஸ் புத்தகத்தில் பீலே இடம்பெற்றிருந்தார். 16 வயதில் பிரேசில் அணியில் அறிமுகமான பீலே, தனது நாட்டு அணியில் 1971 ஆம் ஆண்டு வரை இடம்பெற்றிருந்தார். .

இந்நிலையில் பீலே மறைவுக்கு உலகெங்கும் உள்ள கால்பந்து ரசிகர்கள், தங்களது இரங்கல்களை தெரிவித்து வருகின்றனர். .

நன்றி தமிழன்

Latest news

மேற்கு ஆஸ்திரேலியாவில் அதிக கதிரியக்க காப்ஸ்யூலை தேடும் பணி நீட்டிப்பு.

முக்கிய சுரங்க நிறுவனமான ரியோ டின்டோ மேற்கு ஆஸ்திரேலியாவில் நெடுஞ்சாலையில் அதிக கதிரியக்க கேப்சூலை தவறாக வைத்ததற்காக மன்னிப்பு கேட்டுள்ளது.

டிஜிட்டல் திரைக்கு அடிமையான குழந்தைகள் பள்ளிக்கு செல்ல மறுப்பு.

கோவிட் லாக்டவுன் காலத்தில், தொலைக்காட்சிகள் உள்ளிட்ட டிஜிட்டல் திரைகளுக்கு அடிமையாவதால், வீட்டில் அதிக நேரம் செலவிடும் குழந்தைகள் பள்ளிக்குச் செல்ல மறுப்பதற்கு ஒரு...

93% ஆஸ்திரேலியர்கள் ஷாப்பிங் செய்யும் முறையை மாற்றியுள்ளனர்!

தற்போதைய பொருளாதார சூழலின் வெளிச்சத்தில், கடந்த 12 மாதங்களில் 93 சதவீத ஆஸ்திரேலியர்கள் தங்கள் ஷாப்பிங் பழக்கத்தை மாற்றிவிட்டனர்.

தனுஷ்க குணதிலவுக்கு கடுமையான கிரிக்கெட் தடை.

அவுஸ்திரேலியாவில் நடைபெற்ற டி20 உலகக் கிண்ணப் போட்டியில் பெண் ஒருவரை துஷ்பிரயோகம் செய்த குற்றச்சாட்டில் கைது செய்யப்பட்டு பிணையில் விடுவிக்கப்பட்ட இலங்கை கிரிக்கெட்...

டிஜிட்டல் திரைக்கு அடிமையான குழந்தைகள் பள்ளிக்கு செல்ல மறுப்பு.

கோவிட் லாக்டவுன் காலத்தில், தொலைக்காட்சிகள் உள்ளிட்ட டிஜிட்டல் திரைகளுக்கு அடிமையாவதால், வீட்டில் அதிக நேரம் செலவிடும் குழந்தைகள் பள்ளிக்குச் செல்ல மறுப்பதற்கு ஒரு...

93% ஆஸ்திரேலியர்கள் ஷாப்பிங் செய்யும் முறையை மாற்றியுள்ளனர்!

தற்போதைய பொருளாதார சூழலின் வெளிச்சத்தில், கடந்த 12 மாதங்களில் 93 சதவீத ஆஸ்திரேலியர்கள் தங்கள் ஷாப்பிங் பழக்கத்தை மாற்றிவிட்டனர்.