பெங்களூர் நகரில் நபர் ஒருவர், திடீரென மேம்பாலம் ஒன்றிலிருந்து பணத்தை அள்ளி வீசி பரபரப்பை ஏற்படுத்தியுள்ளார்.
பெங்களூரின் பிரதான பகுதியான கே.ஆர்.மார்க்கெட் பகுதியில் இந்த சம்பவம் நடந்துள்ளது. இது தொடர்பான வீடியோ தற்போது வைரலாகி வருகிறது.
கோட் சூட் அணிந்து, கழுத்தில் பெரிய கடிகாரத்தை அணிந்து வந்த அந்த நபர், பாலத்தில் இருந்து பணத்தை அள்ளி வீசுவதும், பொதுமக்கள் போட்டிப்போட்டு பணத்தை பிடிப்பதும் அந்த வீடியோவில் பதிவாகி உள்ளது.
இந்த சம்பவத்தால் அங்கு சிறிது நேரம் போக்குவரத்து பாதிக்கப்பட்டது. பணத்தை வீசியெறிந்த நபர் குறித்து பொலிஸார் விசாரணை மேற்கொண்டுள்ளனர்.
