Newsஉக்ரைனில் ரஷ்யா ஏவுகணை தாக்குதல் - 6 பேர் பலி!

உக்ரைனில் ரஷ்யா ஏவுகணை தாக்குதல் – 6 பேர் பலி!

-

உக்ரைன் மீது ரஷ்யா கடந்த ஆண்டு பெப்ரவரி 24-ம் திகதி போர் தொடுத்தது. இந்தப் போர் ஓராண்டைக் கடந்தும் நீடித்து வருகின்றது.

இதனால் உலகளவில் பொருளாதாரத்திலும், விநியோகத்திலும் பாதிப்புகள் ஏற்பட்டு வருகின்றன.

ஆனாலும் போர் முடிவுக்கு வந்த பாடில்லை. கடந்த ஜனவரி மாதம் இறுதியில் உக்ரைனில் பல பகுதிகளில் ரஷ்யா நடத்திய தாக்குதல்களில் டஜன் கணக்கிலான கட்டிடங்கள் பாதிப்புக்குள்ளாகின.

11 பேர் கொல்லப்பட்டனர். ஏவுகணை மழை அதன்பிறகு நேற்று அதிகாலை நேரத்தில் உக்ரைனின் மின்சக்தி உள்கட்டமைப்புகளை குறிவைத்து ரஷ்யா ஏவுகணை தாக்குதல்களை நடத்தி மோசமான விளைவுகளை ஏற்படுத்தியது.

வடக்கில் கார்கிவ் நகரம் தொடங்கி தெற்கே ஒடேசா, மேற்கில் ஜைட்டோமிர் நகரம் வரையிலும் ஏவுகணைகள் மழையாகப் பொழிந்தன.

கார்கிவிலும், ஒடேசாவிலும் கட்டிடங்கள் இடிந்து தரை மட்டமாகின. பல பகுதிகளில் மின்கட்டமைப்புகள் பெருத்த சேதத்துக்கு ஆளானதால் அவை இருளில் மூழ்கின.

தலைநகர் கீவிலும் ஏவுகணை தாக்குதல் நடைபெற்றதாக அங்கிருந்து வரும் தகவல்கள் கூறுகின்றன. சமீப காலத்தில் ரஷ்யா நடத்திய மிகப்பெரிய ஏவுகணை தாக்குதல் இதுதான் என்று உக்ரைன் தெரிவித்தது.

அதே நேரத்தில் ரஷ்யாவின் 34 ஏவுகணைகளையும், ஈரான் தயாரிப்பான ஷாகித் டிரோன்கள் 4-ஐயும் சுட்டு வீழ்த்தியதாக உக்ரைன் இராணுவம் தெரிவித்தது.

மேற்கு உக்ரைனில் லிவிவ் நகரில் ஒரு வீட்டின் மீது ஏவுகணை விழுந்து தாக்கியதில் 5 பேர் கொல்லப்பட்டனர். இந்தத் தகவலை அந்த பிராந்தியத்தின் கவர்னர் மாக்சிம் கோஜிட்ஸ்கி சமூக வலைத்தளத்தில் உறுதி செய்தார். டினிப்ரோபெட்ரோவ்ஸ்க் பிராந்தியத்தில் ஏவுகணை, டிரோன்தாக்குதலில் ஒருவர் பலியானார்.

5 பேர் படுகாயம் அடைந்தனர். கீவ் நகரில் தொடர்ந்து வான்தாக்குதல் எச்சரிக்கை சைரன்கள் விடிய விடிய ஒலித்ததாக தெரிய வந்துள்ளது.

அங்கு ஏவுகணை மற்றும் வெடிக்கும் டிரோன்களைக் கொண்டு தாக்குதல்கள் நடத்தப்பட்டதாகவும், அவற்றில் பல வழிமறித்துத் தாக்கப்பட்டதாகவும், ஆனால் அங்கு மின்சக்தி கட்டமைப்புகள் பாதிப்புக்குள்ளானதாகவும் தகவல்கள் கூறுகின்றன.

நன்றி தமிழன்

Latest news

இதய நோயைக் கட்டுப்படுத்த உதவும் நடவடிக்கை குறித்து புதிய ஆய்வு

ஒரு நாளைக்கு குறைந்தது 5 நிமிடங்களாவது இயக்க நடவடிக்கைகளில் ஈடுபடுவது இதய நோயைக் கட்டுப்படுத்த உதவுகிறது என்று ஒரு புதிய ஆய்வு கண்டறிந்துள்ளது. அதன்படி, உட்காருவதை விட...

ஆஸ்திரேலியர்கள் உண்ணும் உணவுகள் தொடர்பில் நடாத்தப்பட்ட ஆய்வு!

ஆஸ்திரேலிய புள்ளியியல் பணியகத்தின் சமீபத்திய அறிக்கையின்படி, ஆஸ்திரேலியர்கள் பழங்கள் மற்றும் காய்கறிகளை குறைவாக சாப்பிடுகிறார்கள் மற்றும் குறைந்த பால் குடிக்கிறார்கள். காய்கறிகள், பழங்கள் மற்றும் பால் பொருட்கள்...

எரிவாயு நுகர்வில் விக்டோரியர்களுக்கு முதலிடம்

ஆஸ்திரேலியாவில் உள்நாட்டு எரிவாயு நுகர்வு அடிப்படையில், விக்டோரியா மாநிலம் அதிக எரிவாயு பயன்படுத்தும் மாநிலமாக மாறியுள்ளது. இதன்படி, 90 வீதமான விக்டோரியர்கள் வீட்டு உபயோகத்திற்காக எரிவாயு உபகரணங்களைப்...

ஆஸ்திரேலியாவில் அதிக ஊதியம் பெறும் முதல் 10 வேலைகள் இதோ!

கடந்த ஆண்டு ஆஸ்திரேலியாவின் வேலை சந்தையில் மிகப்பெரிய ஊதிய உயர்வைக் கண்ட வேலைகள் குறித்து புதிய தகவல்கள் வெளியாகியுள்ளன. 10 வேலைவாய்ப்புத் துறைகள் வெளிப்படுத்தப்பட்டுள்ளதுடன், அவர்களின் சம்பள...

ஆஸ்திரேலியாவில் அதிக ஊதியம் பெறும் முதல் 10 வேலைகள் இதோ!

கடந்த ஆண்டு ஆஸ்திரேலியாவின் வேலை சந்தையில் மிகப்பெரிய ஊதிய உயர்வைக் கண்ட வேலைகள் குறித்து புதிய தகவல்கள் வெளியாகியுள்ளன. 10 வேலைவாய்ப்புத் துறைகள் வெளிப்படுத்தப்பட்டுள்ளதுடன், அவர்களின் சம்பள...

உலகின் முதல் 10 சட்டப் பள்ளிகளில் மெல்போர்ன் சட்டப் பள்ளிக்கு இடம்

மெல்போர்ன் சட்டப் பள்ளி புதிய உலகளாவிய தரவரிசைப்படி உலகின் முதல் 10 சட்டப் பள்ளிகளில் ஒன்றாகத் தேர்ந்தெடுக்கப்பட்டுள்ளது. முந்தைய தரவரிசையின்படி, மெல்போர்ன் சட்டப் பள்ளி 11வது இடத்தைப்...