குயின்ஸ்லாந்து காவல்துறை அதிகாரி ஒருவரை தாக்கியதாகவும், அவரது பணிக்கு இடையூறு விளைவித்ததாகவும் ஆஸ்திரேலிய முன்னாள் கிரிக்கெட் வீரர் மைக்கேல் ஸ்லேட்டர் மீது வழக்குப்பதிவு செய்யப்பட்டுள்ளது.
கடந்த வெள்ளிக்கிழமை இரவு வீடொன்றில் தாக்குதல் சம்பவம் தொடர்பில் விசாரணை நடத்தச் சென்ற அதிகாரிகள் குழுவை அவர் தடுத்ததாகக் கூறப்படுகிறது.
போலீஸ் அதிகாரி ஒருவர் காயமடைந்ததாக குயின்ஸ்லாந்து மாநில காவல்துறை தெரிவித்துள்ளது.
தற்போது 53 வயதாகும் மைக்கேல் ஸ்லேட்டர், ஆஸ்திரேலியாவுக்காக 74 டெஸ்ட் போட்டிகளில் விளையாடி 5,312 ரன்கள் குவித்துள்ளார்.
2004ல் விளையாட்டிலிருந்து ஓய்வு பெற்ற பிறகு, வர்ணனையாளராகவும் பணியாற்றி வருகிறார்.