Sportsடெல்லி கேப்பிடல்ஸ் அணியை வீழ்த்தி குஜராத் டைட்டன்ஸ் அபார வெற்றி -...

டெல்லி கேப்பிடல்ஸ் அணியை வீழ்த்தி குஜராத் டைட்டன்ஸ் அபார வெற்றி – IPL 2023

-

16வது ஐபிஎல் தொடர் இந்தியாவில் பல்வேறு நகரங்களில் இடம்பெற்று வருகின்றது. 

நேற்றிரவு இடம்பெற்ற போட்டியில் குஜராத் டைட்டன்ஸ் அணி மற்றும் டெல்லி கேப்பிடல்ஸ் அணி மோதின. 

இதில் நாணய சுழற்சியில் வென்ற குஜராத் அணியின் அணித்தலைவர் ஹர்த்திக் பாண்ட்யா பந்து வீச்சை தேர்வு செய்தார். அந்த வகையில், டெல்லி அணி முதலில் துடுப்பெடுத்தாட களமிறங்கியது. 

அணியின் தொடக்க ஆட்டக்காரரரும் அணித்தலைவருமான டேவிட் வார்னர் தாக்குப்பிடித்து 37 ஓட்டங்களை எடுத்தார். 

சர்ப்ராஸ் கான் 30 ஓட்டமும், அபிஷேக் பொரெல் 20 ஓட்டமும் எடுத்தனர். 

கடைசி கட்டத்தில் அக்சர் படேல் பொறுப்புடன் ஆடி 36 ஓட்டங்கள் எடுத்து அவுட்டானார். இறுதியில், டெல்லி அணி நிர்ணயிக்கப்பட்ட 20 ஓவரில் 8 விக்கெட்டுக்கு 162 ஓட்டங்கள் எடுத்தது. 

குஜராத் சார்பில் ஷமி, ரஷீத் கான் ஆகியோர் தலா 3 விக்கெட்டும், அல்ஜாரி ஜோசப் 2 விக்கெட்டும் வீழ்த்தினர். 163 ஓட்டங்கள் எடுத்தால் வெற்றி என்ற இலக்குடன் குஜராத் களமிறங்கியது. 

இதில், சாய் சுதர்ஷன் அதிகபட்சமாக 48 பந்துக்கு 62 ஓட்டங்கள் குவித்தார். தொடர்ந்து விஜய் சங்கர் 29 ஓட்டங்களும், டேவிட் மில்லர் 31 ஓட்டங்களும், சாஹா மற்றும் ஷூப்மன் கில் தலா 14 ஓட்டங்களும், ஹர்திக் பாண்டியா 5 ஓட்டமும் எடுத்தனர். 

போட்டியின் இறுதியில் 18.1 ஓவரில் 6 விக்கெட் வித்தியாசத்தில் 163 ஓட்டங்களை எடுத்து குஜராத் டைட்டன்ஸ் அணி அபாரமாக வெற்றிப் பெற்றுள்ளது.

நன்றி தமிழன்

Latest news

ஜெர்மனியில் முதியோர் காப்பகத்தில் தீ விபத்து – 4 பேர் உயிரிழப்பு

மேற்கு ஜெர்மனியின் வடக்கு ரைன்-வெஸ்ட்பாலியா மாகாணத்தில் பெட்பர்க்-ஹாவ் நகராட்சிக்கு உட்பட்ட பகுதியிலுள்ள முதியோர் காப்பகத்தில் திடீரென தீ விபத்து ஏற்பட்டது. விபத்து தகவல் அறிந்ததும் பொலிஸார் மற்றும்...

மகனின் திருமணத்தில் நடனமாடி அசத்திய நீதா அம்பானி

ரிலையன்ஸ் அறக்கட்டளை நிறுவனரும், தலைமை நிர்வாகியுமான நீதா அம்பானி, தனது மகன் ஆனந்த் - ராதிகா திருமண நிகழ்வில், காஞ்சிபுரம் பட்டுப்புடவை அணிந்து நடனமாடியமை அனைவரின்...

அவுஸ்திரேலியாவில் இளம் வாகன ஓட்டிகளால் அதிகரித்துள்ள சாலை விபத்துகள்

அவுஸ்திரேலியாவில் இளம் வாகன ஓட்டிகளால் ஏற்படும் சாலை விபத்துகளின் எண்ணிக்கை குறிப்பிடத்தக்க அளவில் அதிகரித்து வருவதாக சமீபத்திய ஆய்வில் தெரியவந்துள்ளது. 2023 ஆம் ஆண்டு வீதி விபத்துக்களினால்...

பச்சை குத்திக் கொண்டவர்களா நீங்கள்? உங்களுக்கு வெளியான அதிர்ச்சிகரமான தகவல்

பச்சை குத்தல்கள் குறித்த சமீபத்திய ஆய்வு அனலிட்டிகல் கெமிஸ்ட்ரி இதழில் வெளியிடப்பட்டுள்ளது. சில மைகளைப் பயன்படுத்தி பச்சை குத்துவது உடல்நல அபாயங்களை ஏற்படுத்தக்கூடும் என்று அது கூறுகிறது. அந்த...

பல்கலைக்கழக கல்விக்கு அதிக மாணவர்களை வழிநடத்தும் புதிய வேலைதிட்டம்

மேலும் ஆஸ்திரேலிய மாணவர்களை பல்கலைக்கழக கல்விக்கு வழிநடத்தும் புதிய திட்டம் முன்மொழியப்பட்டுள்ளது. இந்த திட்டத்தின் முதன்மை நோக்கம் ஆஸ்திரேலிய பொருளாதாரத்தை வலுப்படுத்துவது மற்றும் அதிக ஆஸ்திரேலிய தொழிலாளர்களுக்கு...

ஹைட்டி சிறைக் கலவரத்திற்குப் பிறகு அமெரிக்கா எடுத்துள்ள கடினமான முடிவு

போர்ட்-ஓ-பிரின்ஸில் உள்ள பிரதான சிறைச்சாலையை ஆயுதமேந்திய கும்பல் தாக்கியதையடுத்து, ஹைட்டியில் 72 மணிநேர அவசரநிலை பிரகடனப்படுத்தப்பட்டுள்ளது. இந்தச் சம்பவத்தில் 12 பேர் உயிரிழந்ததாகவும், சுமார் 3,700 கைதிகள்...