Sportsகுஜராத்தை தோற்கடித்து இறுதி சுற்றுக்கு முன்னேறியது சென்னை சூப்பர் கிங்ஸ் -...

குஜராத்தை தோற்கடித்து இறுதி சுற்றுக்கு முன்னேறியது சென்னை சூப்பர் கிங்ஸ் – IPL 2023

-

ஐ.பி.எல் கிரிக்கெட் தொடரில் இன்று இடம்பெற்ற முதலாவது தகுதிச் சுற்றுப் போட்டியில் சென்னை அணி, குஜராத்தை 15 ஓட்டங்கள் வித்தியாசத்தில் வெற்றி பெற்றது.

சென்னை சேப்பாக்கம் மைதானத்தில் இடம்பெற்ற இன்றைய போட்டியில் நாணய சுழற்சியில் வென்ற குஜராத் அணி பந்துவீச்சை தேர்வு செய்ய, சென்னை அணி முதலில் துடுப்பெடுத்தாடியது.

துவக்க வீரர் ருதுராஜ் கெய்க்வாட் அதிரடியாக ஆடி ஓட்டங்களை குவித்தார். 36 பந்துகளில் அரை சதம் கடந்த அவர் 60 ஓட்டங்களுடன் ஆட்டமிழந்தார்.

அவரைத் தொடர்ந்து களமிறங்கிய ஷிவம் துபே ஒரு ஓட்டங்களுடன் வெளியேறினார். ரகானே 17 ஓட்டங்களில் அவுட் ஆனார். மறுமுனையில் சிறப்பாக ஆடிக்கொண்டிருந்த தேவன் கான்வே, 40 ஓட்டங்களுடன் விக்கெட்டை இழந்தார்.

அப்போது அணியின் ஓட்ட எண்ணிக்கை 125 ஆக இருந்தது.

ரகானே, அம்பதி ராயுடு தலா 17 ஓட்டங்கள் மட்டுமே சேர்த்தனர். 19வது ஓவரில் ஜடேஜாவுடன் இணைந்த அணி தலைவர் டோனி 2 ஓட்டங்களுடன் ஆட்டமிழந்தார். அவரது அதிரடி பேட்டிங்கை காண காத்திருந்த ரசிகர்கள் ஏமாற்றம் அடைந்தனர்.

அதன்பின் ஜடேஜா 22 ஓட்டங்கள், மொயீன் அலி 9 ஓட்டங்கள் (நொட் அவுட்) சேர்க்க, சென்னை அணி 20 ஓவர் முடிவில் 7 விக்கெட் இழப்பிற்கு 172 ஓட்டங்களை சேர்த்தது.

குஜராத் அணி தரப்பில் மோகித் சர்மா, ஷமி தலா 2 விக்கெட்டுகள் கைப்பற்றினர். தர்ஷன், ரஷித் கான், நூர் அகமது தலா ஒரு விக்கெட் எடுத்தனர். இதையடுத்து 173 ஓட்டங்கள் எடுத்தால் வெற்றி என்ற இலக்குடன் குஜராத் டைட்டன்ஸ் அணி களமிறங்கியது.

 இதில், சுப்மன் கில் அதிகபட்மாக 42 ஓட்டங்களை எடுத்தார். தொடர்ந்து, ஷனக்கா 17 ஓட்டங்களும், சாஹா 12 ஓட்டங்களும், விஜய் சங்கர் 14 ஓட்டங்களும், ஹர்திக் பாண்டியா 8 ஓட்டங்களும், டேவிட் மில்லர் 4 ஓட்டங்களும், ராகுல் திவாடியா 3 ஓட்டங்களும் எடுத்தனர். 

ராஷித் கான் 30 ஓட்டங்களுடன் ஆட்டமிழந்தார். நூர் அகமது 7 ஓட்டங்கள் எடுத்து ஆட்டமிழக்காமல் இருந்தார். 19வது ஓவரில் 9 விக்கெட்டுகளுடன் குஜராத் அணி 146 ஓட்டங்களை எடுத்திருந்தது. இன்னும் 6 பந்துகளில் 27 ஓட்டங்கள் எடுத்தால் வெற்றி என்ற இலக்குடன் குஜராத் அணி விளையாடியது.

 இந்நிலையில், ஆட்டத்தின் முடிவில் 20 ஓவரில் அனைத்து விக்கெட் இழப்பிற்கு 157 ஓட்டங்களை எடுத்து குஜராத் அணி தோல்வியடைந்தது.

 இதன் மூலம், முதன்முறையாக குஜராத் அணியை வீழ்த்தி சென்னை சூப்பர் கிங்ஸ் அணி இறுதிச்சுற்றுக்கு முன்னேறியுள்ளது

நன்றி தமிழன்

Latest news

தீர்ந்தது 53 வருடங்களாக மறைந்திருந்த மர்மம்

1971ஆம் ஆண்டு காணாமல் போன விமானம் ஒன்று அமெரிக்காவில் உள்ள ஏரியில் இருந்து கண்டுபிடிக்கப்பட்டுள்ளது. கடும் பனிக்கு மத்தியில் 5 பேரை ஏற்றிச் சென்றபோது காணாமல் போனது...

வேலைகளை மாற்ற தீர்மானித்துள்ள 80 சதவீத ஆஸ்திரேலியர்கள்

ஆஸ்திரேலியர்களில் 80 சதவீதம் பேர் வாழ்க்கைச் செலவு அழுத்தங்களுக்கு மத்தியில் வேலைகளை மாற்றும் நம்பிக்கையில் உள்ளனர் என்று ஒரு புதிய ஆய்வு தெரிவிக்கிறது. கணக்கெடுக்கப்பட்ட 10 ஆஸ்திரேலியர்களில்...

ஆஸ்திரேலியாவில் பிரபலமாக உள்ள குழந்தை பெயர்கள்

2024 ஆம் ஆண்டில் ஆஸ்திரேலிய குழந்தைகளுக்கு மிகவும் பிரபலமான பெண் மற்றும் ஆண் பெயர்களின் புதிய பட்டியல் வெளியிடப்பட்டுள்ளது. சிறுவர்களுக்கு வைக்கப்படும் பெயர்களில் ஆலிவர் என்ற பெயர்...

ஆஸ்திரேலியர்களின் பண வைப்புகளில் சில கட்டுப்பாடுகள்

காமன்வெல்த் வங்கியில் பண வைப்பு தொடர்பான விதிகளில் பல மாற்றங்கள் செய்யப்பட்டுள்ளன. நிதிக்குற்றங்கள் தொடர்பில் வங்கி விசாரணைகளை மேற்கொண்டு வரும் நிலையில் இந்த பாதுகாப்பு நடவடிக்கைகள் எடுக்கப்பட்டுள்ளதாக...

ஆஸ்திரேலியாவில் பிரபலமாக உள்ள குழந்தை பெயர்கள்

2024 ஆம் ஆண்டில் ஆஸ்திரேலிய குழந்தைகளுக்கு மிகவும் பிரபலமான பெண் மற்றும் ஆண் பெயர்களின் புதிய பட்டியல் வெளியிடப்பட்டுள்ளது. சிறுவர்களுக்கு வைக்கப்படும் பெயர்களில் ஆலிவர் என்ற பெயர்...

ஆஸ்திரேலியர்களின் பண வைப்புகளில் சில கட்டுப்பாடுகள்

காமன்வெல்த் வங்கியில் பண வைப்பு தொடர்பான விதிகளில் பல மாற்றங்கள் செய்யப்பட்டுள்ளன. நிதிக்குற்றங்கள் தொடர்பில் வங்கி விசாரணைகளை மேற்கொண்டு வரும் நிலையில் இந்த பாதுகாப்பு நடவடிக்கைகள் எடுக்கப்பட்டுள்ளதாக...