Sports 100 ஓட்டங்களுக்குள் சுருண்டது லக்னோ - மும்பை வெற்றி - IPL...

100 ஓட்டங்களுக்குள் சுருண்டது லக்னோ – மும்பை வெற்றி – IPL 2023

-

ஐபிஎல் டி20 கிரிக்கெட் தொடரில் இன்று சென்னை சேப்பாக்கம் மைதானத்தில் நடைபெற்ற பிளே ஓவ் சுற்றின் எலிமினேட்டர் ஆட்டத்தில் 5 முறை சம்பியனான ரோகித் சர்மா தலைமையிலான மும்பை இந்தியன்ஸ் அணியும் குர்ணல் பாண்டியா தலைமையிலான லக்னோ சூப்பர் ஜெயண்ட்ஸ் அணியும் மோதின.

டொஸ் வென்ற மும்பை அணி முதலில் துடுப்பாட்டத்தை தேர்வு செய்தது. துவக்க வீரர்களாக களமிறங்கிய ரோகித் சர்மா 11 ஓட்டங்களிலும், இஷான் கிஷன் 15 ஓட்டங்களிலும் விக்கெட்டை இழந்தனர்.

இந்த சரிவுக்குப் பின் கேமரான் கிரீன், சூர்யகுமார் யாதவ் ஜோடி அதிரடியாக ஆடி ஒட்டங்களை உயர்த்தியது. 11வது ஓவரில் அணியின் ஓட்டங்கள் 104 ஆக இருந்தபோது, சூர்யகுமார் யாதவ் 33 ஓட்டங்களில் ஆட்டமிழந்தார். அதே ஓவரின் கடைசி பந்தில் கேமரான் கிரீன் ஆட்டமிழந்தார்.

அவர் 23 பந்துகளில் 6 பவுண்டரி, ஒரு சிக்சர் உள்பட 41 ஓட்டங்கள் விளாசினார். திலக் வர்மா 26 ஓட்டங்களிலும், டிம் டேவிட் 13 ஓட்டங்களிலும், கிறிஸ் ஜோர்டான் 4 ஓட்டங்களிலும், நேஹல் வதேரா 23 ஓட்டங்களிலும் ஆட்டமிழக்க, மும்பை அணி 20 ஓவர் முடிவில் 8 விக்கெட் இழப்பிற்கு 182 ஓட்டங்களை குவித்தது.

லக்னோ தரப்பில் நவீன் உல் ஹக் 4 விக்கெட்டுகளை கைப்பற்றினார். யஷ் தாகூர் 3 விக்கெட்டுகள், மோஷின் கான் ஒரு விக்கெட் எடுத்தனர்.

இதையடுத்து 183 ஓட்டங்கள் எடுத்தால் வெற்றி என்ற இலக்குடன் லக்னோ சூப்பர் ஜெயண்ட்ஸ் அணி களமிறங்கியது. இதில் அதிகபட்சமாக மார்கஸ் ஸ்டாய்னிஸ் 40 ஓட்டங்களில் ரன் அவுட் ஆனார்.

தொடர்ந்து, மயேர்ஸ் 18 ஓட்டங்களிலும், குருணல் பாண்டியா 8 ஓட்டங்களிலும், பிரேராக் மாங்கட் மற்றும் ரவி பிஷ்னோய் தலா 3 ஓட்டங்களிலும், கிருஷ்ணப்பா கவுதம் 2 ஓட்டங்களிலும், ஆயுஷ் பதோனி ஒரு ஓட்டத்துடனும் ஆட்டமிழந்து வெளியேறினர்.

நிக்கோலஸ் பூரன் ஒரு ஓட்டம் கூட எடுக்கவில்லை. சிறப்பாக ஆடிக்கொண்டிருந்த ஸ்டாய்னிஸ் 2 ஓட்டங்களுக்கு ஆசைப்பட்டு ஆட்டமிழந்தார்.

இதேபோல், தீபக் ஹூடாவும், கிருஷ்ணப்பா கௌதமும் சொர்ப ஓட்டங்களுடன் ரன் அவுட் ஆகினர். இது லக்னோவிற்கு மிகவும் பின்னடைவை ஏற்படுத்தியது. 15.5 ஓவரில் 9 விக்கெட் இழப்பிற்கு 100 ஓட்டங்கள் மட்டுமே லக்னோ எடுத்திருந்தது.

31 பந்துகளில் 83 ஓட்டங்கள் என்ற வெற்றி இலக்குடன் லக்னோ தொடர்ந்து விளையாடியது. நவீன் உல் அக் மற்றும் மோஹ்சின் கான் களமிறங்கினர். இதில், நவீன் உல் அக் ஒரு ஓட்டம் மட்டுமே எடுத்தார். மோஹ்சின் ஓட்டம் எடுக்காமல் ஆட்டமிழந்தார்.

இந்நிலையில், இந்த ஆட்டத்தின் முடிவில் லக்னோ அணி 16.3 ஓவரில் அனைத்து விக்கெட் இழப்பிற்கு 101 ஓட்டங்களை எடுத்து தோல்வியை சந்தித்தது.

இதன்மூலம், மும்பை அணி 81 ஓட்டங்கள் வித்தியாசத்தில் அசத்தலாக வெற்றி பெற்றுள்ளது.

நன்றி தமிழன்

Latest news

அழகி போட்டி கிரீடத்தை துண்டு துண்டாக உடைத்த நபர் – அதிர்ச்சியில் பார்வையாளர்கள்

பிரேசில் நாட்டில் மிஸ் பிரேசில் அழகி போட்டியின் இறுதி போட்டி நடைபெற்றது.  பல்வேறு கட்டங்களாக நடந்த தேர்வுகளின் அடிப்படையில்...

குயின்ஸ்லாந்து பார்க்கிங் அபராதம் மொத்தம் $43 மில்லியன் என மதிப்பீடு

குயின்ஸ்லாந்து வாகன ஓட்டிகள் மற்றும் நிறுவனங்கள் பார்க்கிங் தொடர்பாக செலுத்த வேண்டிய மொத்த போக்குவரத்து அபராதத் தொகை $43 மில்லியன் என மதிப்பிடப்பட்டுள்ளது.

விக்டோரியாவில் மற்றொரு கட்டுமான நிறுவனமும் விழுந்தது

ஆஸ்திரேலியா வே என்ற மற்றொரு கட்டிட கட்டுமான நிறுவனமும் பின்னடைவை சந்தித்துள்ளது. Melbourne Point Cook இல் இயங்கிவரும்...

ஆஸ்திரேலியாவில் Uber கட்டணங்களுக்கு அதிகபட்ச விலையை நிர்ணயித்த முதல் மாநிலம் NSW

ஆஸ்திரேலியாவில் Uber கட்டணங்களுக்கு அதிகபட்ச விலையை நிர்ணயித்த முதல் மாநிலமாக நியூ சவுத் வேல்ஸ் ஆனது. இதன் மூலம்...

விக்டோரியாவில் மற்றொரு கட்டுமான நிறுவனமும் விழுந்தது

ஆஸ்திரேலியா வே என்ற மற்றொரு கட்டிட கட்டுமான நிறுவனமும் பின்னடைவை சந்தித்துள்ளது. Melbourne Point Cook இல் இயங்கிவரும்...

ஆஸ்திரேலியாவில் Uber கட்டணங்களுக்கு அதிகபட்ச விலையை நிர்ணயித்த முதல் மாநிலம் NSW

ஆஸ்திரேலியாவில் Uber கட்டணங்களுக்கு அதிகபட்ச விலையை நிர்ணயித்த முதல் மாநிலமாக நியூ சவுத் வேல்ஸ் ஆனது. இதன் மூலம்...