ஆஸ்திரேலிய அணியின் தொடக்க ஆட்டக்காரர் டேவிட் வார்னர் டெஸ்ட் கிரிக்கெட்டில் இருந்து ஓய்வு பெறுவதாக அறிவித்துள்ளார்.
அதன்படி எதிர்வரும் கோடையில் பாகிஸ்தானுக்கு எதிரான டெஸ்ட் தொடரே தான் விளையாடும் கடைசி டெஸ்ட் தொடராக இருக்கும் என குறிப்பிட்டுள்ளார்.
பிரிஸ்பேன் மற்றும் அடிலெய்டில் நடைபெறும் மேற்கிந்தியத் தீவுகளுக்கு எதிரான டெஸ்ட் தொடரிலும் பங்கேற்கப் போவதில்லை என்பதை வார்னர் உறுதிப்படுத்தினார்.
ஆஸ்திரேலியாவுக்காக 103 டெஸ்ட் போட்டிகளில் விளையாடியுள்ள டேவிட் வார்னர், 8,158 டெஸ்ட் ஸ்கோரைக் குவித்துள்ளார்.
அதன்படி, ஆஸ்திரேலிய அணிக்காக அதிக ரன் குவித்த 7வது வீரர் என்ற சாதனையை படைத்துள்ளார்.
வரும் செப்டம்பரில் இந்தியாவில் நடைபெறும் ஒருநாள் உலகக் கோப்பை மற்றும் அடுத்த ஆண்டு நடைபெறும் டி20 உலகக் கோப்பைக்குப் பிறகு ஒட்டுமொத்த கிரிக்கெட் களத்திலிருந்தும் ஓய்வு பெறுவேன் என்று டேவிட் வார்னர் தெரிவித்துள்ளார்.
