ஒரு நாட்டின் அளவைவிட பெரிய கடல் பாதுகாப்புப் பகுதியை அமைக்க ஆஸ்திரேலியா திட்டமிட்டுள்ளது.
மக்குவாரி தீவில் (Macquarie Island) ஏற்கெனவே உள்ள கடல் பாதுகாப்புப் பகுதியாக விரிவுபடுத்தப்படும். அதன் பரப்பளவு 475,465 சதுர கிலோமீட்டருக்கு அதிகரிக்கப்படும்.
அப்போது கடல் பாதுகாப்புப் பகுதி ஸ்பெயினுக்கு ஈடான அளவில் பெரிதாக இருக்கும்.
அது வியட்நாம், ஜப்பான் ஆகியவற்றை விடப் பெரியது.
பாதுகாப்புப் பகுதியில் மீன்பிடிப்பு, சுரங்க நடவடிக்கைகள் ஆகியவற்றுக்குத் தடை இருக்கும்.
மக்குவாரி தீவு ஆஸ்திரேலியாவின் தலைநிலத்திற்கும் அண்டார்ட்டிக்காவிற்கும் இடையே உள்ளது.
அங்கு மில்லியன்கணக்கான பெங்குவீன், நீர்நாய்கள், கடல் பறவைகள் வாழ்கின்றன.
