விக்டோரியா மாநிலத்தில் ஒரு வாரத்தில் இரண்டாவது நிலநடுக்கம் பதிவாகியுள்ளது.
மெல்போர்ன் பெருநகரப் பகுதியில் இருந்து தென்கிழக்கே 53 கிலோமீட்டர் தொலைவில் உள்ள பக்கானம் பகுதியில் இருந்து இன்று அதிகாலை 1.26 மணியளவில் இந்த நிலநடுக்கம் பதிவாகியுள்ளது.
பூமிக்கு அடியில் 10 கிலோமீட்டர் ஆழத்தில் பதிவான இந்த நிலநடுக்கம் ரிக்டர் அளவுகோலில் 2.4 அலகுகளாக அல்லது மிகச் சிறிய நிலநடுக்கமாக பதிவு செய்யப்பட்டுள்ளது.
உயிர்ச் சேதமோ, பொருட்சேதமோ ஏற்படவில்லை என வானிலை ஆய்வு மையம் தெரிவித்துள்ளது.
மெல்போர்னில் இருந்து கிழக்கே 127 கிலோமீட்டர் தொலைவில் உள்ள ராவ்சன் என்ற இடத்தில் சில நாட்களுக்கு முன்பு ரிக்டர் அளவுகோலில் 4.6 என்ற அளவில் வலுவான நிலநடுக்கம் பதிவானது.
