2015ஆம் ஆண்டு அதிகபட்ச கடன் வரம்பை உயர்த்தியதில் அப்போதைய சமூக சேவைகள் அமைச்சராகவும், பின்னர் பிரதமராகவும் இருந்த ஸ்காட் மோரிசன் தனது பொறுப்பை புறக்கணித்ததாக குற்றச்சாட்டு உள்ளது.
இன்று வெளியிடப்பட்ட ராயல் கமிஷன் அறிக்கை, ரோபோடெப்ட் என்று பிரபலமாக அழைக்கப்படும் இந்த அமைப்பு மத்திய அரசால் செயல்படுத்தப்பட்ட மிகவும் தோல்வியடைந்த திட்டங்களில் ஒன்றாகும் என்று கூறுகிறது.
2019 இல், அப்போதைய லிபரல் கூட்டணி அரசாங்கம் இந்த அமைப்பு தோல்வியடைந்ததாக ஒப்புக்கொண்டது, மேலும் பிரதமராக பணியாற்றிய ஸ்காட் மோரிசன் 2020 இல் பகிரங்கமாக மன்னிப்பு கேட்டார்.
சேவைகள் தொடர்பான கடன்களை மீளப் பெறுவதில் பிழைகள் இருப்பது தெரியவந்ததையடுத்து, மேலதிகப் பணத்தை சம்பந்தப்பட்ட கடனாளிகளுக்கு திருப்பிச் செலுத்த நடவடிக்கை எடுக்கப்பட்டது.
இந்த சம்பவத்தின் அடிப்படையில் பாராளுமன்றத்தில் இருந்து விலகுவதா இல்லையா என்பது குறித்து முன்னாள் பிரதமர் மொரிசன் அவர்களே முடிவெடுக்க வேண்டும் என தற்போதைய பிரதமர் அந்தோனி அல்பானீஸ் இன்று செய்தியாளர் சந்திப்பில் தெரிவித்தார்.
